Popular Bible Verses from Mat 27

Share

Tile sumana tuma min na, Yezu pɛrɛnna k'a fɔ ko: «Eli, Eli, lamasabakitani», o kɔrɔ ko: «Ne ka Ala, ne ka Ala, mun na i ye ne bila?»

O yɔrɔnin bɛɛ, Alabatosoba cɛtigɛfani faranna fila ye, k'a ta a sanfɛ fɔɔ duguma. Dugukolo yɛrɛyɛrɛla, kabakuruw cicira. Kaburuw daa yɛlɛla. Ala ka mɔgɔ minw tun sara, olu caaman kununna.

O kɔ, Yezu kulera kosɔbɛ ka sɔrɔ ka sa.

Sɔlidasi kuntigi min tun be Yezu kɔlɔsira n'a ka sɔlidasiw ye, olu ye dugukolo ye a yɛrɛyɛrɛla, ani koo minw kɛra o waati la, u y'o bɛɛ ye, u siranna kosɔbɛ. U y'a fɔ ko tiɲɛ na, cɛɛ nin tun ye Ala Deen ye.

Tilegwangwanfɛ, dibi donna yɔrɔ bɛɛ la, fɔɔ ka taga se tile sumawaati ma.

A y'u ɲininga ko: «Ne ka mun kɛ Yezu la u be min wele Ala ka Mɔgɔ wolomanin?» U y'a jaabi ko: «A ka kan ka gwengwen lɔgɔ kan.» A y'u ɲininga ko: «A ye kojugu jumɛn le kɛ min kosɔn a ka kan ka faga?» U pɛrɛnna kosɔbɛ ko: «A ka kan ka gwengwen lɔgɔ kan.»