Popular Bible Verses from Mat 16

Share

Yezu y'a fɔ a ka kalandenw ye ko: «Ni mɔgɔ min b'a fɛ ka tugu ne kɔ, o tigi kana miiri a yɛrɛ ka nafa la. A k'a ka gwengwenlɔgɔ ɲun ka tugu ne kɔ.

I ye Piyɛri ye, o kɔrɔ ko fara, ne bena n ka jama senu sigi min kan, saya tena se ka foyi kɛ a la.

Ne bena *sankolo masaya konnigɛ d'i ma. N'i ye fɛɛn o fɛɛn siri dugukolo kan, o bena siri sankolo la. I mana fɛɛn o fɛɛn foni dugukolo kan, o bena foni sankolo la.»

Mɔgɔ o mɔgɔ b'a fɛ k'a nii tanga, o tigi bena bɔnɔ a la. Nga ni mɔgɔ min bɔnɔna a nii la ne kosɔn, o tigi bena tila k'a sɔrɔ.

A be mun ɲa mɔgɔ ye ka diɲɛ fɛɛn bɛɛ sɔrɔ n'a bɔnɔna a nii na? Walima mɔgɔ be se ka mun di Ala ma min b'a nii sɔngɔ bɔ?

Yezu y'u ɲininga ko: «Aw do, aw b'a miiri ko ne ye jɔn ye?» Simɔn Piyɛri y'a jaabi ko: «I ye Ala ka Mɔgɔ wolomanin nin ye, Ala Dencɛ.»

Yezu y'a fɔ a ye ko: «Zonasi dencɛ Piyɛri, i dagamunin lo, bari mɔgɔ si ma nin fɔ i ye, nga ne Faa min be sankolo la, o le y'o lɔnniya d'i ma.