Popular Bible Verses from Mat 10

Share

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Ni mɔgɔ min b'a fɛ ka koo bɛɛ kɛ waasa a kana bɔnɔ a nii na, o tigi bena bɔnɔ a la. Nga, ni min bɔnɔna a nii na ne kosɔn, o tigi bena tila k'a sɔrɔ.

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Ni mɔgɔ min m'a yɛrɛ gwengwenlɔgɔ ɲun ka tugu ne kɔ, o tigi man kan ni ne ye.

«Ni mɔgɔ min y'a fɔ mɔgɔw ɲana ko ale ye ne ka mɔgɔ ye, ne Faa min be sankolo la, ne fana ben'a fɔ ale ɲana k'o tigi ye ne ka mɔgɔ ye. Nga, ni mɔgɔ min banna ne la mɔgɔw ɲana, ne fana bena ban o tigi la n Faa ɲana min be sankolo la.

Aw ye banabagatɔw kɛnɛya, ka suuw kunun, ka farisogobanatigiw kɛnɛya, ka jinaw gwɛn ka bɔ mɔgɔw la. Ne y'o koow kɛ see d'aw ma gwansan, o la, aw fana k'o kɛ mɔgɔw ye gwansan.

O la, aw kana siran. Aw ka fisa ni kɔnɔninw ye.

«Aw kana miiri ko ne nana ni hɛrɛ ye diɲɛ na dɛ. Ne ma na ni hɛrɛ ye, nga ne nana ni murujan le ye.