Popular Bible Verses from Kod 49

Share

Masaya tena bɔ Zuda ka somɔgɔw bolo, masabere tena bɔ u bolo, fɔɔ ni a tigi yɛrɛ yɛrɛ nana, siyaw ka kan ka sɔn ale min ta ma.

Yusufu ye tura kɛɲɛnin ye, tura kɛɲɛnin lo, jii bɔyɔrɔ daa la. A be kogo sago dumunikɛyɔrɔ la. Kalabonbagaw y'a sɛgɛn kosɔbɛ. U y'a bon n'u ka biɲɛw ye, k'a tɔɔrɔ.

O bɛɛ n'a ta, a y'a ka kala minɛ ka ɲa, a bolo barikamanw ma ja Yakuba ka Ala, Setigi barika la. Ale lo be Isirayɛlidenw mara i ko sagadɛndɛbaga b'a ka sagaw mara cogo min na. Isirayɛlidenw jigi lanin b'a kan bari a be i ko kabakuru. I bolo barikamanw ma ja i faa ka Ala barika la, min b'i dɛmɛ, Setigi Ala barika la, min be koɲuman kɛ i ye. A bena sanji d'i ma ka bɔ sankolo la. A bena jii d'i ma ka bɔ dugukolo kɔnɔ. A bena deen caaman, ni begɛn caaman d'i ma.

Zuda, i fadenw bena i tanu. I bena i bolo la i juguw tɔngɔrɔ la. I fadenw bena u kunbiri gwan i kɔrɔ. Zuda, i be i ko jaraden. Ne deen, i bɔtɔ filɛ i ka sogo minɛyɔrɔ la. E be ɲɔngiri, ka la i ko jara. I be i ko jaramuso, jɔn be se ka fanga l'a kan k'a wili?

Urubɛn, i ye ne deen fɔlɔ ye, ne kɔnna ka min sɔrɔ ne ka kanbelenya waati la. Fanga b'i la kosɔbɛ, see fana b'i ye kosɔbɛ. I be i n'a fɔ jii, min be bugubugu, i tena to ɲafɛ tugu, bari i lara n'i faa ka muso dɔ ye. I ye ne ɲagami.