Popular Bible Verses from Bɔk 23

Share

Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma. Muso si kɔnɔ tena cɛn, muso si tena to wolobali ye aw ka jamana kɔnɔ fana. Ne bena aw sii caya.

«A filɛ, ne bena mɛlɛkɛ bila aw ɲa k'aw mara sira la ani ka taga n'aw ye ne ka yɔrɔ labɛnnin na.

N'aw be mɛnni kɛ a fɛ ka ɲa, ne be fɛɛn o fɛɛn fɔ aw ye, n'aw b'o bɛɛ bato, o tuma na, aw juguw bena kɛ ne juguw ye, aw kɛlɛbagaw bena kɛ ne kɛlɛbagaw ye.

«Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo. «Aw kana fantan dɛmɛ cogo bɛnbali la a ka kiti koo la.

«Aw kana kuma lakali min te tiɲɛ ye. Aw kana galon tigɛ ka kojugukɛla dɛmɛ.