Popular Bible Verses from Bɔk 2

Share

A y'u ŋunakan mɛn, a fana hakili tor'a ka layidu la, a tun ye o min ta Ibrayima ni Isiyaka ani Yakuba ye. O la, a y'u ye tuma min na, u hinɛ donn'a la.

Waatijan tɛmɛnin kɔ, Ezipiti masacɛ nana sa. Isirayɛlidenw tora ka ŋuna u ka jɔnyabaara kosɔn, ka to ka kasi kosɔbɛ. Ala ye u kasikan mɛn k'u to u ka jɔnya la.

Deen kɔgɔra tuma min na, a baa tagar'a di masacɛ denmuso ma, a kɛra i n'a fɔ ale deen. A y'a tɔgɔ la ko Musa, bari a ko: «Ne y'a sama ka bɔ jii la.»

Deen baa nana tuma min na, masacɛ denmuso y'a fɔ a ye ko: «Deen nin ta ka to ka siin d'a ma, n bena i sara.» Muso ye deen ta ka to ka siin d'a ma.

Ezipiti masacɛ denmuso nana bada la ko a be ko yen. A ka baaraden musomanw tun be yaalayaalala bada la. A ye segi nin ye biinw cɛma k'a ka jɔnmuso ci ka ta'a ta.

Musa kɛra mɔgɔkɔrɔba ye tuma min na, loon dɔ, a tagar'a balima Isirayɛlidenw fɛ. U be baara gwɛlɛman minw kɛra, a y'o ye. A ye Ezipitika dɔ ye, min tun b'ale Musa balima eburu dɔ bugɔra. A ye filɛli kɛ a gɛrɛfɛ, a ma mɔgɔ ye minkɛ, a ye Ezipitika nin faga k'a suu dogo cɛncɛn na.