Popular Bible Verses from Kɛw 4

Share

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

U tun be yɔrɔ min na, daalili bantɔ, o yɔrɔ nin yɛrɛyɛrɛla. U bɛɛ fara Nii Senuman na, ka to ka Ala ka kuma fɔ ni jagwɛlɛya ye.

Sisan kɔni Matigi, i janto u ka bagabagaliw la, a to i ka baarakɛlaw k'i ka kuma fɔ mɔgɔw ye ni jagwɛlɛya ye.

Aw bonlɔlaw banna kabakuru min na, o nana kɛ kabakuru barikaman ye, boon nɔnkɔn ta. O ye Yezu ye.

Kititigɛla nunu y'a ye ko Piyɛri ni Zan hakili siginin lo u ka kuma na. U kabakoyara bari u y'u jati mɔgɔ fufafu ye minw ma kalan bɛrɛ kɛ. O kɔ, u nan'a lɔn ko Yezu kɔmɔgɔ dɔw lo.

Mɔgɔ minw tun lara Yezu la, u bɛnnin tun lo kosɔbɛ, miiriya kelen le tun b'u bɛɛ fɛ. U si tun t'a fɔ ko: «N ta.» Nga u ka fɛɛn bɛɛ tun ye foroba ye.