Popular Bible Verses from Tim 2nan 1

Share

Bari Ala ye Nii Senuman min d'an ma, o ma d'an ma waasa an ka kɛ siranbagatɔw ye, o be fanga le d'an ma, ka kanuya don an dusu la, k'an kɛ yɛrɛminɛlaw ye.

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Ne ye n bolo la i kan tuma min na, Ala ye see min d'i ma, ne b'i hakili jigi n'o ye, ko i k'o minɛ ka ɲa kosɔbɛ.

I kana maloya k'an Matigi koo fɔ, i kana maloya ni ne fana ka koo ye, ne min be kaso la ale kosɔn. Nga i ka sɔn tɔɔrɔ ma i n'a fɔ ne, kibaru diman kosɔn, Ala barika la.

O le kosɔn, ne be tɔɔrɔ nunu muɲuna. Nga o ma kɛ maloyako ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi be min kan, see b'a ye k'o mara n ye fɔɔ laban loon na.