Popular Bible Verses from Tim fɔlɔ 3

Share

Alaɲasiran ye gundoba ye! A y'a yɛrɛ kɛ mɔgɔ ye ka na, Nii Senuman y'a ka tilenninya yira, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lar'a la diɲɛ kɔnɔ, Ala y'a ta ka taga n'a ye a ka nɔɔrɔ la. Mɔgɔ si te se k'o sɔsɔ.

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

A ka kan ka kɛ mɔgɔ ye min be se k'a yɛrɛ ka soo mara, ani k'a deenw kolo n'u be mɛnni kɛ a fɛ koo bɛɛ la.

Krista ka jama ɲamɔgɔw dɛmɛbaga ka kan ka kɛ musokelentigi ye, min be se k'a ka soo mara ani a ka denbaya. Mɔgɔ min b'o baara kɛ ka ɲa, o tigi be tɔgɔɲuman sɔrɔ a ka ɲamɔgɔya la, ani a be jagwɛlɛya sɔrɔ ka jigi koo fɔ, an be min sɔrɔ Yezu Krista fɛ.