Popular Bible Verses from KANYƐ KATSA 5

Share

Bɛsã ɔnɔ vɔɛ̃ odi kĩ, “Nɔ kĩĩ lɛkpɔla kĩ atɛ ovoli a lɔkɔa ɔwai kɔma evũkɔnɔ a kĩ bɛkɔa bɛtalɛ ye onukpɛ̃ a. Kitonɛkĩ nɔ bɛkɔ, ade ɔkɔa nɔ babɔanɛ, ɔya bati ɔkpa Baguma a. Bati kĩ bito fude nyɛ fude, tide nyɛ tide, ɔmaĩ nyɛ ɔmaĩ kamɛ, mɔ batidziwa ahɔlɔ ahɔlɔ a kamɛ.

Ade bɛsã ɔnɔ kɔɔba kĩ, “Kavelibi a kĩ bɛkɔ a, lɛkpɔla kĩ katɛ otumi, mɔ akũ kana, mɔ nyansã, mɔ kɔbɛ̃, mɔ obu, mɔ kukũkpalɛ mɔ kamu!”

Ɔkɛna be lɛgãkanyakɔ̃ basɔfɔ kĩ bisum boe Baguma, ade baanya fɔgã nɛ tite akũ a.”

Adeke nnu kĩ lɛtsa nyɛ lɛtsa a kĩ Baguma bɔa nɛ tite mɔ ode, mɔ tite ɔda, mɔ mpo kamɛ, mɔ fɔtsa a kĩ fudeĩ nɛ foe kamɛ a flee lamɛna ɔnɔ kasã kĩ, “Kamu, mɔ obu, mɔ kukũkpalɛ mɔ otumi fɔna daa fɔkpa, oti a kĩ edzi nɛ lɛgãkpo akũ a mɔ Kavelibi a!”

Ade banɔkɔɛ̃ a kamɛ ɔmɔa bi yĩ kĩ, “Fɔ̃ kabe! Dã! Dzata a kĩ eto Yuda katete kamɛ a, kĩ ɛnyɛ Dawid kasinu kamɛ obi a nya akũ, kĩ ɛkpɔla kĩ yawai kɔma fɔtsa evũkɔnɔ a kĩ bɛkɔa bɛtalɛ ovoli a onukpɛ̃, ebinya ye lɛmɛ.”