Popular Bible Verses from GALATIAFƆ 6

Share

Mitafɔ̃ akpɔ liveli boe nɛ tuwĩ kakɛna kamɛ, kitonɛkĩ ntɛ akpɔ táveli boe ni, lɔkɔ aaya kĩ bɔ́ana foe akũ nfasɔ.

Nɛ foesũ kĩ lɔkɔ buki lideĩ lɛkpa boe sũ ni, mifɔ̃ bɔkɛna tuwĩ bɔkpa odi nyɛ odi, titiliwu bikĩ bɔmɔ́ be bɛkɛna ɔmɔa nɛ Kristo katɛkado kamɛ a.

Mibumɛna akũ akũ nɛ ɔhau adi nyɛ adi kamɛ, lɔkɔa nɛ osi kĩĩ akũ ni, míakɛna nɛ Kristo mbla a akũ.

Mitakɛ mi akũ, kitonɛkĩ odima lɛmɛ lɛláapuli ebu Baguma tɛkɔasia. Lɛtsa a kĩ oti du a, ade foe mɔapɛ a yaana a.

Ntɛ edu fɔtsa nɛ sukɛna fɔwɛtsa kamɛ ni, lɛtsa a kĩ yaana etomɛna foe kamɛ nyɛ wuda. Lɛmɛ ntɛ edu fɔtsa nɛ Hũhũ a fɔwɛtsa kamɛ ni, yaana nkpã kĩ ɛlá kawũna a etomɛna ye kamɛ.

Nwaɛ̃ amɛ, ntɛ mi kamɛ odi kɛna tɔkpa tidi ni, mi a kĩ Baguma Hũhũ a deĩ nɛ mi kamɛ a, mikɔa ɔwɔlɛ bɔɛɛ midɛ ye ɛdani ɔwɔlɛ kamɛ. Midã mi mɔawɛ a akũ kadã wĩ ayekĩ mi malo bɛláasɔ mi bɛdã.

Ntɛ odi abu ye akũ kĩ ɛnyɛ oti odi odu lɛmɛ nɛ ɔnɔkɔali kamɛ ɛnyɛ́ lɛtsama a, ye odi akũ yakɛ. Odi nyɛ odi ɛdzɛmɔ ye mɔawɛ akũ ɛdã. Ntɛ fɔnɛnɛ ni, owula aapuli epia nɛ lɛtsa a kĩ ɛkɛna a akũ, kɛtánɛ kĩ yakɔa ye fɔkɛlatsa ɛkɔna mɔ oti bɛbã fude. Kitonɛkĩ odi nyɛ odi aalɔ ye mɔawɛ fɔlɔtsa.