Popular Bible Verses from EFESOFƆ 6

Share

Kitonɛkĩ nnɛ́ bɔmɔ́ batidziwa lamɛna kawũ kanɔ, mbom bɔmɔ́ ablɔ hũhũ kpa kĩ edeĩ kɔbɛ̃ nɛ ɔwɛ kamɛ, hũhũ kĩ yanya akũ, hũhũ kĩ edeĩ otumi, mɔ hũhũ kpa kĩ edeĩ nɛ ɔtũ katinya kĩĩ kamɛ lamɔ kanɔ.

Mikɛna fukĩĩ flee nɛ mpaɛbɔ kamɛ, mikaavia Baguma kabumɛna. Mifɔ̃ Hũhũ a ɛkpã mi mibɔa mpaɛ nɛ lɛtsa nyɛ lɛtsa kamɛ. Nɛ foesũ ni, mina nɛ kukũmanɛ kamɛ, mitafɔ̃ akpɔ liveli mi. Mibɔa mpaɛ daa nɛ bati a kĩ bɛkpalɛ be akũ a flee lɔlɔ.

Mibla kawũkanɔ fɔtsa flee a kĩ Baguma kpa mi a, ayekĩ míapuli miyidza midza nɛ Abonsam tɛdake tisi a akũ.

Foesũ mibla Baguma kawũkanɔ fɔtsa flee a finyaa, ayekĩ ntɛ Luwi kpa a ya ni, míapuli midza minɔ kawũ a minaawũna, mibuki mina kɔbɛ̃ nɛ mi kamɛ.

Lɔkɔ nyɛ lɔkɔ ni, milɛ katɛkado ndɛ fubĩĩ katɛ sɔbɔtsaɛ, kitonɛkĩ ade foe bɔakɔa budina fubĩĩ mɔ fi a kĩ Okesĩnɛ a atalɛ a. Mitsa Baguma nkpã katɛ a ndɛ sɔbɔtsaɛ lɔbɔɛ aye, milɛ Baguma kalɛ a ndɛ lɛpamɛ gɛlɛɛlɛ kĩ Hũhũ a kɔa edo nɛ mi awɛ.

Foesũ mina nɛ kukũmanɛ kamɛ, mikɔa ɔnɔkɔali mibɔa abɔsɔ, mikɔa tuwĩ kakɛna misua mi ɔwɔlɛ ndɛ tɔwɔlɛ libĩĩ katɛ sɔbɔtsaɛ aye. Ade mina nɛ kukũmanɛ kamɛ milɛ lukudɔ Kalɛ Wĩ a kĩ kɛnyɛ mi kawũkanɔ tɛpambua kĩ miado.

Ke kawũna kamɛ a, mi ɔmɔa kakɛna mɔ boe Ɔlate ɛna ɔsĩ ebu, fɔtsã ye kɔbɛ̃ kpale akũ.

Mbla atɔnyade kĩ nfasɔ deĩ nɛ ye akũ nyɛ kĩ, “Bu aga mɔ ama, ayekĩ nɔ kadzi kamɛ aalɛ, odzi nkpã gɛlɛɛlɛ nɛ tite akũ.”

Mi babisɛ̃, mibu mi bamanɛ, kitonɛkĩ Kristo kamɛ lɛkɛnana wĩ fɔanɛ kĩ miakɛna.