Popular Bible Verses from 1 YOHANES 2

Share

Mitawɛ katinya ĩye fɔtsa a kĩ fudeĩ nɛ ke kamɛ a fudima kalɛ. Ntɛ odi awɛ katinya kalɛ ni, Ɔlɛga a ɔdɔ lɛláa ye kamɛ. Kitonɛkĩ katinya kamɛ fɔtsa flee kĩ fɔakɔ sukɛna odo, ĩye fɔakɔ anɛ odo, mɔ fɔtsa a kĩ oti apia nɛ foe akũ a lɛmɛ, fudima táto Ɔlɛga a sɛkɛ̃, mbom katinya kamɛ futo.

Katinya mɔ ke kamɛ fɔtsa a kĩ fɔakɔ oti odo aatɛ̃, lɛmɛ oti a kĩ yakɛna nɛ Baguma kawɛ akũ a, aadzi nkpã daa.

Odi nyɛ odi kĩ yalɛ kĩ edeĩ nɛ Baguma kamɛ ni, kɛnɛ kĩ edzi nkpã ndɛ ayekĩ Yesu Kristo dzi a.

Yĩ babi, nlamɛna fɔlɛtsa kĩĩ katsɛlɛ kamɛna mi ayekĩ miláakɛna tɔkpa. Lɛmɛ ntɛ odi kɛna tɔkpa ni, budeĩ odi kĩ yawãnɛ boe lɔlɔ nɛ Ɔlɛga a sɛkɛ̃. Ade ye nyɛ Yesu Kristo kĩ ɛnyɛ oti kpĩĩ a.

Oti a kĩ yalɛ kĩ, “Ĩnyina ye,” lɛmɛ yaákɛna nɛ ye mbla a akũ ni, ɔvãlɛvã yanɛ, ade ɔnɔkɔali a lɛláa ye kamɛ a.

Ntɛ bɔakɛna nɛ Baguma mbla a akũ ni, fɔ́afɔ̃ bɔmɔ́ buyi ɔsũ kĩ bunyina ye.

Odi nyɛ odi kĩ yalɛ kĩ edeĩ nɛ ɔhaĩ a kamɛ, lɛmɛ yakesĩ ɔwaɛ̃ ni, ebuki edeĩ nɛ ɔtũ kamɛ kɛyawo finyaa.

Foesũ owei koũ nyɛ ɔvãlɛvã a? Ade ye nyɛ oti a kĩ yalɛ kĩ nnɛ́ Yesu nyɛ Kristo a. Ade oti kĩĩ odu liti ɛnyɛ Kristo okesĩnɛ a kĩ esĩ Ɔlɛga a mɔ Obi a flee a.

Kitonɛkĩ odi nyɛ odi kĩ esĩ Obi a ni, Ɔlɛga a lɛnyɛ́ ye ode. Odi nyɛ odi kĩ ɛtɛ Obi ni, Ɔlɛga a nyɛ ye ode.