Popular Bible Verses from Filipi 4

Share

Ḡau ni ꞌahoga moneo zamaze ꞌago adudanoꞌi! Rehano naginiꞌa fureranoꞌidene, eꞌe ḡauḡa niduꞌaꞌe Badiꞌa mazao umidoꞌi! Ebu za kuranoꞌidene iḡaiḡa Badiꞌa Mazao manoḡa tauḡi roꞌi!

Ebu Badiꞌaꞌa zama roḡeḡa ziniꞌuma, eꞌanoꞌo zamazeꞌe mene adudaꞌuma zu mene rihaꞌuma, mazaḡa zaꞌe Keriso Iesu teite tiburaro ꞌahine. Zama roḡeḡa aꞌaꞌe boro bagaḡa zu hoeꞌaḡa, vazeꞌa zamaroga zu mene idaḡa.

Nego nabudi, ḡoere ḡonagano ꞌahige reihi! Haḡai ꞌahiguḡa zamare onamoꞌi! Huga ḡoereꞌeteꞌe haḡaiḡa, gubatiteꞌeteꞌe haḡaiḡa, haḡai duduḡa, zama deheḡa haḡaiḡa, vazeꞌa matuiꞌuma haḡaiḡa manoḡa zu vazeꞌa rae ḡihiniꞌuma haḡaiḡa manoḡa. Nagi haḡai manoḡa tauḡi ga vazeꞌa niguniꞌuma haḡaiḡa manoḡa horonoꞌidene eꞌe zamareꞌenoꞌi!

Eꞌe, radone nagigano zu ḡau niduꞌa haḡaoga idaḡa, mazaḡa Kerisoꞌa inaraḡa iniꞌe ꞌahine.

E bare bare ꞌahige raꞌohe: Mada niduꞌa Zuhiꞌa Boroꞌa zae veize haḡairoteꞌe zamaradu matuꞌoꞌi!

Eḡe Badiꞌaꞌa, ane ḡauḡa ḡehaḡa bagaḡaonoꞌo, Keriso Iesu uꞌano borofe ziniꞌuma, ḡauzeꞌa ferezeꞌeteꞌe madaḡano.

Zaeꞌa eḡe mazaonoꞌo ederiroteꞌe, zu meiroteꞌe, zu igiroteꞌe ḡoeꞌa niduꞌa, zu eḡe haḡaio horoniroteꞌe haḡaiḡa niduꞌa, zae radone zamaḡano haḡaoꞌi! Ebu zama roḡeḡa rifeꞌeteꞌe Badiꞌaḡaniꞌa zae teite radiuꞌeꞌuma.

Vaze mazao roḡeru radoꞌi, vaze niduꞌaꞌa zaꞌe roḡeḡa rae horozoga. Za ꞌadi zamaroꞌi! Zuhiꞌa Boroꞌe ꞌariga bare onaeꞌohe.

E edeḡa, ḡau oꞌoꞌa zamaḡano radiuꞌeteꞌe radoneḡa, ga ḡau ḡehaḡa zamaḡano radiuꞌeteꞌe radoneḡa. Radone nagiga zamaḡano zuni, eꞌe matuꞌe radoga ederiro, ogomu ḡehaḡa ga oꞌoꞌa, ḡau ḡehaḡa ga oꞌoꞌa.

E ḡau nuꞌa fereheꞌeteꞌe uꞌano, ꞌouge mene raꞌohe. Mazaḡa eḡe mazao naginiꞌa fureraune, aꞌe ḡauꞌa fereheꞌe ga mene, rehano e edereha zamaheꞌe idaḡa daꞌo.