Popular Bible Verses from Apostolo 2

Share

Peteroꞌa naenaezinaꞌa, “Zae niduꞌa, zamaze ḡihunoꞌi, ebu Iesu Keriso niḡano bapatizo moꞌi! ꞌOugine Badiꞌaꞌa zae sauꞌa rae modiꞌuma, ebu Badiꞌaꞌa Vine Zaḡoḡa ziniꞌuma.

Zeꞌe zamaze tiba hanadu, apostolo azaḡaniꞌa ihozidoteꞌe abito zinido ebu danatitido, tiburu ogaudo, zu tibano kuraudo.

Ebu Vine Zaḡoḡaniꞌa eꞌea radiunuteꞌe azaḡa niduꞌa irivaꞌoziro, ebu Vine Zaḡoḡaniꞌa ibito zenadu, ḡoere ꞌahoga ꞌahogano ḡoeriro.

Eꞌe zamaḡano zavara boroꞌa onaeꞌeteꞌe teige guguḡa boroꞌa adureonoꞌo tabara gudau ovairo. Eꞌe guguḡaniꞌa zeḡeꞌa nuꞌoraroteꞌe neḡa irivaꞌoniro. Ebu ireꞌa duhuruꞌeteꞌe heuḡaniꞌa mazane teige rovotadu, vaze tiba tiba ranao duhuranoga horoniro. Ebu Vine Zaḡoḡaniꞌa eꞌea radiunuteꞌe azaḡa niduꞌa irivaꞌoziro, ebu Vine Zaḡoḡaniꞌa ibito zenadu, ḡoere ꞌahoga ꞌahogano ḡoeriro.

Ze mada niduꞌa Dibuꞌo Neḡano tibano nuꞌoranadu kuraudo. Ebu ane ane neo matuꞌuzeta zu zama tiba teite ogau tiburaudo, zu Badiꞌa nigunido, ebu Ierusalema azaḡa niduꞌa zeḡe mazao matuꞌinu. Mada niduꞌa Zuhiꞌa Boroꞌa ḡabone hideꞌeteꞌe azaḡa ragate ragate mae zouzido.

'Badiꞌaꞌa ziꞌohe. Mada ḡonaga madaḡa madaḡano, vaze niduꞌa mazao eḡe Vine Zaḡoḡa ovoe beꞌunadu, irivaꞌoziꞌuma, Ebu ubudeze zu aboezeꞌa eḡe hari rae fureniꞌuma. Zae ohoze iziga izigaꞌe Badiꞌaꞌa ihozeꞌeteꞌe haḡaiḡa zamaze hina horoniꞌuma, zu vaze boroboroꞌe Badiꞌaꞌa ihozeꞌeteꞌe haḡaiḡa iḡunaꞌuma.

Badiꞌa mazao fiiroteꞌe azaḡa niduꞌa tibano nuꞌoru radiudo, ebu ḡauze niduꞌa ḡahugotitido. Ebu habaze, neze zu toheze seronadu, iniu monizeꞌa ferezinuteꞌe niduꞌa, zininu.

Ebu Zuhiꞌa Boro mazao umideꞌeteꞌe azaḡa niduꞌaꞌe ḡabone hidiꞌuma.' (Ioela 2:28-32)

Madaꞌe uzaboraꞌuma, ebu batoꞌe ru teige kanaraꞌuma. Eꞌe ḡaruganobuꞌu Zuhiꞌa mada boro zu manoḡa huneꞌa onaiꞌuma.