Popular Bible Verses from Apostolo 17

Share

Badiꞌaꞌa ꞌougirotaꞌaꞌe, vazeꞌa Badiꞌa vaḡoga veize, ebu inare vaḡadu Badiꞌa hidoga veize. Rehano hugaꞌe aniꞌe emeḡe niduꞌa mazaonoꞌo mene faḡa.

Badiꞌa ani, vaze tibuhuga haḡaadu, anionoꞌo haba ꞌahoga ꞌahoga azaḡa niduꞌa haḡairo, vazeꞌa haba niduꞌa zamaḡano radoga veize. Ebu zeḡeꞌa radiꞌuma madaḡa rae tiro, zu radiꞌuma habaꞌa ḡonaneḡa haḡairo.

Badiꞌa ani, haba zu eꞌe zamaḡano radiuꞌeteꞌe ḡauḡa niduꞌa haḡairo. Aniꞌe Zuhiꞌa Boro, adure zu raha zuhiꞌaniꞌohe. ꞌAhine dibuꞌo neḡa zamaḡano mene radiuꞌohe. Aꞌe vazeꞌa ꞌevore hina ogoraroteꞌe neḡa.

Mazaḡa aniꞌe haba niduꞌa zamaḡano radiuꞌeteꞌe azaḡa ibi duduḡano kotaziteꞌe madaḡa rae tiro. Ebu kota ibito haꞌuma vazeḡa zuni ohoniro. Eꞌe vazeḡaꞌe aniꞌa runeonoꞌo bare ḡaboniro. ꞌOugeꞌenaꞌa, Iesuꞌe hube hune vaze niduꞌa kotaziꞌuma rae fureniro.”

Eme Badiꞌa ene ꞌahine, Badiꞌa hugaꞌe golo (gold) ga siliva (silver) ga hadi hina vazeꞌa zamaradu haḡaeꞌeteꞌe ḡauḡa teite idaḡa rae mene zamariꞌuma.