Popular Bible Verses from Gnàth‐fhacal 22

Share

Teagaisg leanabh a‑thaobh na slighe air an còir dha imeachd; agus nuair a bhios e sean, cha trèig e i.

Trìd irioslachd agus eagal an Tighearna, thig saoibhreas, agus urram, agus beatha.

Is roghnaiche ainm math na mòr‐shaoibhreas, agus deagh‐ghean na airgead agus òr.

Na dèan suas càirdeas ris an fheargach; agus maille ri fear na h‑àrd‐chorraich na imich

Beannaichear esan aig a bheil sùil fhial; oir bheir e de a aran don bhochd.

Chì an duine crìonna olc, agus falaichidh e e fhèin; ach gabhaidh na daoine baoghalta air an aghaidh, agus fuilingidh iad peanas.

Riaghlaidh am beartach os cionn nam bochd; agus bidh an tì a ghabhas an coingheall na sheirbhiseach dhàsan a bheir ann an coingheall.

Coinnichidh am beartach agus am bochd a chèile: is e an Tighearna a rinn iad gu lèir.

Na creach am bochd a chionn gu bheil e bochd, agus na sàraich an truaghan anns a’ gheata: Oir tagraidh an Tighearna an cùis, agus millidh e anam na muinntir a mhilleas iad.