Popular Bible Verses from Tileme 6

Share

Moŋgɔ, kina moꞌja kosani kaŋmi yɔwa kɔdɔ ꞌdeni yayi. Bɔ ma këkï dɔmo ïdëkï möyï mo rɔ Tölë, kina Maliti këdï kozi ꞌbënï kebe gɔmo. Kina kiꞌdi közï kakpa ꞌba dɔ kapa sowɔ ꞌba dɔyayi nime ŋgï zïnnï ꞌdɔ lïjë kupö bilaka mo ga yaga ti mbele, ti sëyï, ti rɔkɔꞌɔ ma kako kɔzɔ agutupɔwo naga nima tara, kina gbï tiꞌdi mo ꞌdɔ kuruku ꞌba yï mökö na kupö.

Moŋgɔ, kina moꞌja kosani kaŋmi kɔdɔ ŋgï yayi. Bɔ ma këkï dɔmo ti kanya sagba közï bo, kina kiꞌdi agëŋï ꞌba löbu ꞌdeni dɔ bo, bo këkï ꞌdeni këdï kari yaga kɔzɔ bɔ akaꞌda ame këdï kari ꞌdeni gbï taꞌda wa ne.

Kina ɔdɔ kamölö ꞌbɔꞌbi nima kopepe ꞌboŋa ma mï muyï mo ꞌdeni yaga tine, na moŋgɔ te dïdï ꞌba bɔ lende laka ame ga tönë kupö lïjë gɔ köꞌdu ꞌba Bɔkoꞌba gbï gɔ tuwöwö mo ne ëdï ꞌdeni bïcï bi ꞌba akumu ꞌba Bɔkoꞌba yayi.

Kina lïjë këdï kulörï rɔ ma kembe, iya te, “Ŋere Bɔkoꞌba, nï ame kɔtɔ laka gbï rɔ bɔ lende kodɔrɔ ne. Ëddï kola kpa bilaka ꞌba mï dɔyayi naga nima kunzï ŋbö nyanya ga kinza ma kodɔ karama dönnï kpa dɔkolo roma ze nime ya?” Kina koza bɔŋgɔ kaŋmi ŋgï me zïnnï rɔ kɔtɔkɔtɔ. Kina kileki kiya zïnnï ꞌdɔ lïjë koda titi mbowa kupö löndö lïjë ti lëpï nnï mɔtɔ ga ame ꞌdɔ kupö gbï kɔzɔ ꞌbënnï tara ne titi.

Kina kosani mɔtɔ rɔ ma kasi liyi kɔdɔ ŋgï. Bɔ ma këkï dɔmo iꞌdi közï kakpa ꞌdeni teyi ꞌdɔ bo kogba lende këyï yaga di mï dɔyayi, tine ꞌdɔ bo koꞌde rɔ ya na mï dɔyayi gɔ bilaka kënyï tupö rönnï rɔ gɔ rönnï. Kina moŋgɔ te iꞌdi kogba mbele ꞌdeni közï bo.

Römöyï kada ꞌba ya ma dɔ kiteli ꞌbënnï ömö ꞌdeni. Tine yë na ti kɔꞌbɔ tɔrɔ kpamo?”

Kina moŋgɔ te kamölö ꞌbɔꞌbi nima opepe ꞌboŋa ma mï modɔɔkɔtɔ mo ŋgï yaga. Kina kïzïkïzï ma kinza kiya kiꞌdi dönï ŋgï. Kada uyï rönï ŋgï yaga rɔ ma kölu kɔzɔ durö ꞌba pötö töku. Kina nyepe kuyï rönï ŋgï yaga rɔ ma kasi kɔzɔ roma. Kina këlu ni kiꞌdi ŋgï tilayi bërï di mïtɔrɔ kɔzɔ dɔkukuru ꞌba këlu ma kana ame këdï kilayi di zi lili ma kembe ne tara.

Kina ɔdɔ kamölö ꞌbɔꞌbi kopepe ꞌboŋa ma mï mota mo ꞌdeni tine, na muwö yërï ma mï mota mo ŋgï kiya te, “Ako.” Moŋgɔ, kina moꞌja kosani kölu kɔdɔ ꞌdeni yayi. Bɔ ma këkï dɔmo indaꞌba gbërë ꞌdeni közï bo. Kina muwö a mɔtɔ ŋgï kudu kɔzɔ mugu bilaka tara, di mï löŋgö yërï sowɔ naga nima, kiya te, “Bi gomɔ ꞌba mï kada dɔ kɔtɔ ŋge rɔ akugö nyönyu gbërë kɔtɔ. Kina gbï ŋge rɔ akugö mana gbërë mota. Tine kinza kirasi ŋgërï ama ga rɔ ꞌba ꞌbu ti ꞌba akuwë ne dë.”

Kina mïtɔrɔ kuköku rönï ŋgï yaga kɔzɔ kilaka naga tara. Kina döku ma löbu naga ti döötu ni kiyese rönnï ŋgï me yaga di bi mo ga ma mɔlo. Kina rɔ gɔ bilaka pili, bɔ dɔyayi ni ti turu ni ti bɔ dɔ bɔ kanya ni ti bɔ mɔri ni ti bɔ tigɔ ni kpaki ti bilaka ma laki pili ti atɔli ni kusu dönnï ŋgï mï tïꞌbörö, mɔtɔ ga kebe mï löŋgö döku.