Popular Bible Verses from Efesɔs 6

Share

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Viŋ shuŋ vətɔ və yighaw və Nwi, laa viŋ kɨɨ maa məghɔꞌ Satan, tɨɨ vəzwitə vəbwəvə, maa jɨɨsə nsɨə faŋ lùu jɨɨsə mənay sənshə, faŋ ŋwə tuŋ viŋ shɔ nə.

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

Viŋ nuŋ fwi siŋ maa Kristo nə vənu vənshə. Luu ŋkəsə yighaw yiŋ, faŋ kaꞌ viŋ ndɨ̀ɨsə wisə Satan faŋ ŋwə kəə tuŋ maa viŋ nə. Yisɔꞌ yighaw yiŋ faŋ kaꞌ viŋ bee tɔ viŋ, lùu məbwey vəlwaŋ. Viŋ ndi yigisə Nwi yaa baꞌ yighaw faŋ Zwitə Nwi kɔ tɨ́ viŋ.

Nɨniŋ, viŋ tɨŋnə, shùŋ nu yinsəŋ ŋiꞌ viŋ yaa kɔtə. Njwi yighaw yiŋ luu laa viŋ duꞌ sheꞌ taa nu loomə. Gɔsə siŋ faŋ viŋ kwaŋ ghuu viŋ luu laa viŋ lootə ŋwaa yiŋ maa məsaynə ntɔŋ yijəə Nwi faŋ nyə kɔ məduꞌ-nyɔŋ tɨ́ vɨɨ nə.

Nu məndwə lùu laa, viŋ weꞌ maa nu Nwi nə maa wutə məkwalə ki.

Ntɨ yiweꞌ fɨ taa ntɨsə Nwi lùu laa, «Kɨ zɔnə tii wə ghɔ nshu wə!» Lùu ntɨ njyə vɨsɨ faŋ nyə kii ŋkɔꞌnə fɨ ghɔ Nwi. Ŋkɔꞌnə yɔ́ lùu laa, «A yɨ̀ nɨniŋ, buu a taa kɨ duꞌ jəə, shi mbi tày.»

Gə fɨ maa viŋ, vaŋmbwaa, viŋ kɨ zɔnə vətɨɨ viŋ fɨ jɨŋ Kristo! Luu ŋkee nu loomə nɨniŋ.