Popular Bible Verses from 2 Kɔrintian 1

Share

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə yaa kɨ kee gəŋsə vɨɨ dɨdɨꞌ, baa luu Nwi məboolə vɨɨ maa vənu vənshə. Nwi boolə yia maa ŋɨꞌ yia yinshə, tɨ́ kaꞌ yia baa luu boolə vɨɨ mbɨə faŋ vəŋ lùu taa ŋɨꞌ nɨzi. Yia boolə vəŋ sheꞌ nə məboolə ŋgwə faŋ nshɨ-tɔ Nwi bòolə yia shɔ nə.

Ŋɨꞌ njyə faŋ nyə nə ŋii Kristo nə, baa luu ŋìi maa nsiŋ yiyaŋ. Luu nə, Nwi boolə nsiŋ dɨdɨꞌ buꞌ Kristo.

Yia nə gì fɨ taa fwisə yia laa yia taa kukə. Nu kɔ́ nə gày nɨniŋ laa kɨ yia baa jia fwi sia nə yiŋwaa yia me, laa yia kɨ nuŋsə vənu vənshə taa ghɔ Nwi. Kaꞌ Nwi yweysə wə ŋkee fɨ shɨ yiku.

Luu nə, lùu nshɨ-tɔ Nwi faŋ ŋwə yɨ laa nsiŋ faynə, gù fa kəmuꞌ, nsiŋ vɨ Kristo, weꞌ shɔ. Ŋwə baa yòꞌ nsiŋ maa faꞌ Nwi, kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

Yighee njyə faŋ Nwi kwàŋ ŋɨꞌ tɔ yia nə, ŋwə yɨ̀ nɨniŋ laa ŋwə boolə viŋ, bwèysə viŋ shɔ. Yighee njyə faŋ Nwi boolə yia, buu ŋwə bòolə viŋ nɨzi, kɔ viŋ nə wutə, tɨ́ kaꞌ viŋ jìa fwi siŋ yighee njyə faŋ kəŋ ŋɨꞌ ghɔ́, faŋ nyə ŋìi maa yia nə, ŋìi maa viŋ nɨzi.