Popular Bible Verses from 1 Kɔrintian 12

Share

Zwitə Nwi yaa kɨ dəsə nu tɨ́ wə tɨ̀ me wə, sheꞌ laa wə ghɔ́ taa kɨ gaŋtə vɨɨ Nwi vənshə nə nu kɔ́.

Gə fɨ maa viŋ, viŋ faynə shəŋ muꞌ maa mənaysə ŋwaa Kristo faŋ ŋwə lùu muꞌ. Wə tɨ̀ me wə fɨ taa ŋwaa viŋ lùu fɨ maa laŋnə ŋwaa Kristo kɔ́.

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi. Wə mɔ́ꞌ baa lùu shɔ faŋ Zwitə Nwi kɔ̀ wutə tɨ́ ŋwə, tɨ́ kaꞌ ŋwə nùŋ fwi yi maa Yeso Kristo, wèꞌ shɔ. Wə mɔ́ꞌ kii ŋkee wutə fɨ ghɔ Zwitə Nwi kɔ́ maa məshuꞌ vəza fɨ maa vɨɨ. Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

Nwi nə yɨ̀ nɨniŋ laa ŋgaasə kee lùu maa ŋwaa me, vəlaŋ və ŋwaa bee kɨ kii gaŋtə yiŋwaa vəŋ, vəŋ vəŋ.

Vənu mbɨə faŋ Zwitə Nwi kɔ wutə tɨ́ vɨɨ laa vəŋ kɨ yɨsə, lùu nɨŋkwiŋ nɨŋkwiŋ. Luu nə, Zwitə Nwi kɔ́ luu sheꞌ kəmuꞌ. Vəfaꞌ faŋ vɨɨ faꞌ tɨ́ Yeso lùu nɨŋkwiŋ nɨŋkwiŋ nɨzi. Luu nə, tɨɨ faꞌ vəŋ luu sheꞌ muꞌ, lùu tɨta Yeso. Jɨɨsə faŋ vɨɨ fàꞌ vəfaꞌ maa wutə Nwi lùu nɨŋkwiŋ nɨŋkwiŋ. Luu nə, Nwi faŋ ŋwə kɔ̀ wutə kɔ́ tɨ́ vɨɨ vənshə laa vəŋ kɨ faꞌ vəfaꞌ vɔ́ vənshə nə, luu sheꞌ Nwi ghɔ́ muꞌ.

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

Taa ŋwaa wə, vəlaŋ shɔ vəyaŋ nɨŋkwiŋ nɨŋkwiŋ, kee luu sheꞌ fa kəmuꞌ faŋ ŋkə lùu maa ŋwaa ghɔ́ me.

Kaꞌ way ŋwaa kəmɔ́ꞌ kee gì tɨ́ kəmɔ́ꞌ nɨniŋ me, buꞌ laa ŋkee vəlaŋ və ŋwaa mbɨə faŋ mbə kee kìi wutə me, lùu mbə faŋ ŋwaa wə kəə mbə ghee nshə, buu wə kɨ shi, kìi məbwey.

Ŋkə nii toꞌ luu laa, luu sheꞌ yisɨ faŋ nyə yɨsə buu ŋwaa wə lùu shɔ, buu kaꞌ wə ghɔ́ kɨ zɔ vənu kɨkə? Kɨ luu laa sheꞌ tuulə faŋ ŋkə yɨsə buu ŋwaa wə luu shɔ, buu kaꞌ wə ghɔ́ luŋsə fa kɨkə? Yinsəŋ, Nwi nə kee bɔ̀ŋ yiŋwaa nyaa-nsiŋ sheꞌ ŋkwəŋ me. Nwi nə ndɨ̀ vəlaŋ faŋ mbə lùu nɨŋkwiŋ nɨŋkwiŋ, bɔ̀ŋ ŋwaa wə shɔ, nùŋsə laŋ tɨ̀ me laŋ maa shəŋ ki, sheꞌ faŋ Nwi nə kàw. Laŋnə ŋwaa wə nəə toꞌ luu sheꞌ kəmuꞌ, buu ŋwaa wə kee lùu shɔ me.