Popular Bible Verses from Marcos 13

Share

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

“Jayawe piyeyapɨkatu peï, jare piyandareko wi piyé, jare piyerure wi Tumpa pe. Echa’ä pikuaa’ä kërái yawe etei ra che ayu yeta wae,” jei chupe reta.

“Jare ïru wae reta pereraa yawe pemee waerä mburuwicha reta pe, awɨye piyembɨpɨa’ä mbae pere waerä. Echa’ä jokua ora etei Tumpa uikuaakata oï pewe mbae pere waerä. Jokuaño pere kuri, echa’ä Espíritu Santo etei pemborɨta oï piyemɨngeta waerä. Pe retaiño’ä ko piyemɨngetata peï,” jei chupe reta.

“Pepuere pikuaa kua ñee che jae aï pewe wae añetete ko. Echa’ä yepe tëi ara jare ɨwɨ opata ko, erëi chiñee ndaraúi opa,” jei chupe reta.

“Erëi mbaetɨta kiawe uikuaa kërái yawe etei ra che ayu yeta wae. Jaeño cheRu uikuaa oï jokua,” jei. “Araɨwa retawe uikuaa’ä. Jare yepe tëi che ko jae Tumpa Taɨ, erëi che awe aikuaa’ä wi,” jei.

“Jare imeta oï ñeräro reta koiño pewi. Jae nunga wi imeta oï ñeräro reta mbɨrɨ pewi. Erëi piyandu yawe kua reta rewa, awɨye pekɨye. Echa’ä kua mbaesusere reta uyeyapo ñotái ko. Erëi ndei wɨteño ko ara reta opa waerä,” jei.

“Kërái jokua uyeyokui wae reta uikuaa’ä kërái yawe ra tëta iya ou yeta uwäe wae, jukuärái wi pe reta pikuaa’ä kërái yawe ra che ayu yeta wae. Aramoi ayu yeta awäe pɨ̈tuɨpɨ yawe, ani pɨare mbɨte rupi, ani ndei köe mbowe, ani ndimbowe yawe,” jei. “Jáeramo jekuaeño pemae kawi awɨye waerä aramoiño che ayu ye awäe yawe, puipokou piyeyapɨkatu mbae rewe, pëti öke järoa oke oï wae rami,” jei. “Jare kua jae pewe wae, tae wi opaete wae pe: Pemae kawi che ayu ye rewa.” Jukuärái jei Jesús jemimboe reta pe.

“Echa’ä jeta ɨwɨ pewa reta uñerärota ambɨe ɨwɨ pewa reta ndiwe, jare jeta mburuwicha reta uñerärota ambɨe mburuwicha reta ndiwe,” jei chupe reta. “Jare imeta jeta ɨwɨkäta reta kerupi rupi. Jare imeta wi karuái reta. Jare jokua mbaesusere reta jaeño ko uyembɨpɨ wae. Kuña umbɨpɨ imembɨrasɨ oï wae rami ko jokua mbaesusere reta. Echa’ä imeñota jeta mbaesusere reta uyeyapo waerä,” jei chupe reta.

Echa’ä Tumpa iñee ikawi wae jeräkua ranita ko opaete ɨwɨ reta kerupi oï wae rupi ndei ɨwɨ iyapɨ mbowe,” jei chupe reta.

“Echa’ä outa jeta cheree pe uyembɨjeeraanga wae reta. Jare jeita tëi reta: ‘Che ko jae Cristo.’ Jare umbɨtawɨta jeta wae reta,” jei.

“Erëi pe reta piyandareko kawi piyé. Echa’ä pepɨsɨta reta jare pemeeta reta mburuwicha reta pe uñeapo waerä peré,” jei. “Jare jae reta penupata itupao reta pe. Jare pembɨyemboɨta oï reta kuri mburuwicha jare mburuwicha wasu reta jowai cheré perowia ramo,” jei. “Erëi jokoropi jëwata pewe pemɨmbeu kawi waerä chupe reta che rewa.

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

Jare Jesús jei wi chupe reta: “Jayawe opa ma uasa jokua ara reta täta rupi uiporara reta yawe, warasɨ uñemɨpɨ̈tumimbita oï, jare yasɨ ndarau ma jembipe. Yasɨtata reta oata ara wi, jare opaete ara re oï wae reta uñemɨtɨmota,” jei chupe reta.