Popular Bible Verses from Marcos 10

Share

“Echa’ä che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

Jayawe Jesús umae jese reta, jare jei chupe reta: “Ɨwɨ pewa reta jaei ndarau kiawe ipuere uyerepɨ chuwi. Erëitu Tumpa ipuere uyapo chupe reta, echa’ä Tumpa pewarä mbaetɨ mbae yawái,” jei chupe reta.

Jayawe Jesús jei chupe: “Ndepuere ndeo ye. Ndekuera ma nderowia cheré ramo,” jei chupe. Jare jupiwoiño kuimbae ipuere umae kawi, jare oo Jesús jupie tape rupi.

Jáeramo kuimbae jare kuña Tumpa uyapo pëti ramiño wae, awɨye kiawe tumbɨsɨrɨ reta iyuwi. Jukuärái che jae,” jei Jesús chupe reta.

Jayawe Jesús umae jese uiparareko rewe jare jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

Jayawe Jesús upɨrandu chupe: “¿Mbae pa ndipota ayapo waerä ndewe?” jei chupe. Jayawe kuimbae jesa mbae wae jei chupe: “Oporomboe wae, aipota amae mii,” jei chupe.

Erëi pe reta awɨyeta ko piyapo jukuärái,” jei. “Ime yawe pepɨte pe pëti wae uipota mburuwicharä iko wae, tuyeyokui ïru wae reta pe.

“Che tae pewe añetete wae, pipota peï Tumpa ndiwe yawe, jayawe imeta ko perowia jese pëti sambiaɨ wɨrowia tu re wae rami,” jei chupe reta.

“Erëi jeta añawe rupi uyembutuichaka ñonoï wae reta, Tumpa umɨmichita oï reta kuri. Jae ramiño wi jeta añawe rupi usiriwe mbae echa ñonoï wae reta, Tumpa umbutuichata oï reta kuri,” jei Jesús jemimboe reta pe.

“Erëi jukuärai’ä ko tenonde yawe. Echa’ä Tumpa iñeerɨru pe uyekuatía oï kërái Tumpa uyapo ramo yawe mbaembae, uyapo kuimbae jare kuña. ‘Jáeramo kuimbae usɨrɨta tu jare ichɨ wi iko tee waerä jembireko ndiwe. Jare mokui wae uyeyapota pëti ramiño.’ Jukuärái uyekuatía oï,” jei chupe reta. “Jayawe che tae pewe, mbaetɨ ma ko ñonoï mokui wae rami. Yureko ma ko pëti ramiño.