Popular Bible Verses from อีซยา 65

Share

ดี๊ ม เก ด้องซุ้ อี้ง, เมะเว๊ พี่ อ ซื๊งเว๊ ล คลึ้ กุ้ เท่อ แบ นอ, เฆ้อ อี้ง ล้อ, ก ม เซ๊ช๊า-อ้ะ พี่ อ ซื๊งเว๊ ซีง ลแพ, ไคล้ ได้ะ อ แค๊ นอ, เฆ้อ อี้ง ล้อ, ก ม คุ้ช๊องแน-อ้ะ

“ เมะเว๊ แคว่เซ้อ, ก ไต้ล้าง ทมุ้คู อ ซ๊าง ดี๊ ฌางคูโคล๊งคู อ ซ๊าง เมะเว๊ ท ล่างลี้ง ลู่ง แย๊ นอ, ม ล แบ ท นางแบเย้แบ แบ ดี๊ ล ช๊องมอง ทางไท้ ลู่ง ซ้ะ พ้า ล้า แบ

อ ซื๊งเว๊ ลแพ นอ, ม ล แม้ เท่อ โปล้ๆ, -อ้า ดี๊ ม ล กึทาง อ พู ลู่ง ท ไพ้ะฆิ้โค๊ฆิ้ อ ฌ่าง-อ้า แบ อไฌ่บี่อี้ง, อ เว๊ เก โพล้ง พี่ นี่แบ ทชูฌี้ชูแอว้ ดี๊ กแช่ยาเว นอ อชื้ออชะ ล พ๊าฆ่าง ดี๊ อ พู อ ลี้ง ลแพ นอ ปะ ล้อ

อ ซื๊งเว๊ ม ล ไต้ เด้า, ฌ้อง โพล้ง อ แฌ้แพ นึฆ้าง โอ เว๊ แบ อ เว๊ ม ล เซิง โซ๊ง, ฌ้อง โพล้ง อ แฌ้แพ อาง เว๊ แบ เมะเว๊ กพูกลี้ง อ โญะ นอ, ม เก บี่ซุ้ดี๊ เซง มื่งเทิง อ โญะ ดี๊ โพล้ง พี่ ก อางลึ นี่-อ้ะ นอ, ม เจ่ เว๊ อ จูงล่างคางคู ไยะ มะ

ลู่ง ทล่าง พ้า นอ พืงแซ บาง พี่ อ โอม๊า เมาะ เว๊ คี๊งนี้ง ซ๊านี้ง-อ้า โพล้ง ซ้ะแซย่ พี่ อ โญะ ล ชิ้ทาง ทอางกีล้าง เว้ แบ-อ้า นอ, ม ล โอ แบ เมะเว๊ โพล้ง ซี๊ง พี่ อ โญะ ล แย้ เนง นอ, ม ทื่ง-อ้ะ อ น่างบางซ้ะบาง ดี๊ โพล้ง พี่ อ โญะ แซย้เละ ล แย้ เนง นอ, ม ทื่ง-อ้ะ แบ ท ชูอ้า ล้อ

ทวีงเม้ง ดี๊ แกะพู ม อางฆื๊ง อาง เท่อ, บี่ซุ้ดี๊ ล มู๊ง ฆ่าง คี๊ยื่ง ม อาง โล่ บี่ซุ้ดี๊ งู้ ดี๊ ฌู่ง อาง ฌางคูมูง เก ทอาง ท ลแพ นอ, ม ล แม้อ้าแม้ซ๊าง โละซ้ะ-อ้า, แม้เฌ๊ฌ้อง โละซ้ะ-อ้า แบ เฆ้ง ก ทลู่ง พี่ อฌี้อแอว้” กแช่ยาเว โล้ เว๊ บี่อี้ง ล้อ

ก ม ซ้ะอวีงซ้ะโทะ เท่อ ลู่ง เยรูซเลง อกย้อง ดี๊ เซิงฆวี๊งซ้ะโย้ ลู่ง กพูกลี้ง อกย้อง ม ล แน่ฌ๊า ลู่ง ฌาง ลู่ง เว่ง พ้า นอ ล้า แบ เลา ดี๊ ลู่ง ฌางอื้งฌางโทะ ม ล โอ แบ