Popular Bible Verses from อีซยา 6

Share

ดี๊ จ แน่ฌ๊า ทอดูทึโท๊ทึ กแช่ อ ลู่ง ไคล้ บี่อี้ง, “ก ม เจ่ โพล้ง เล้ ลี้, ดี๊ โพล้ง เล้ ม ลี้ คิ้ เฆ้อ?”, ฌ้อง จ ไคล้ช๊า บี่อี้ง, “จ โอ พี่อี้ง, อวีงซ้ะชู้ เจ่ แย้ ไช้ะ”

ล ดื้งๆ, นอ, กุ้ โละ อ ซ้ะ บี่อี้ง “เช๊งเกล้ง, เช๊งเกล้ง, เช๊งเกล้ง, กแช่ยาเว ซึ้คู ดูทึชองทึ ฌางคูโคล๊งคู เลาพะ นอ, โอ ฆวี้ ดี๊ กแช่แยว้ อโฌ่งอพ้าง”

ดี๊ จ ไจ้ะ บี่อี้ง, “ท เซงทื่งเฌ๊ฌ้อง แบ แย้, เมะเว๊ จ ซี๊ง เย้า, เป๊งนี่ จ เก โพล้ง อ นุ้เฌะ ลเช๊งลเกล้ง แบ, ดี๊ จ โอ ลู่ง โพล้ง อ ชื้อ พ้า พี่ อ นุ้เฌะ ลเช๊งลเกล้ง แบ, แบเด้าะ จ เมะคลี๊ง แด แบ กจุ้แฆว้, เมะเว๊ กแช่ยาเว ซึ้คู ดูทึชองทึ”

ล เนง แย๊ พี่ กจุ้แฆว้ อูซียา ซี๊ง นอ จ แด ทอดูทึโท๊ทึ กแช่ ชี๊น้าง ลู่ง ทล่าง ชี๊น้าง พี่ อ ดู อ โท๊ คู, ดี๊ นี่แบ ทอางปฆ้า ทาง, ดี๊ อ ไช๊ คางไท้ะ ฆวี้ทะ เว่งฮ๊าง พ้า

ดี๊ อ เว๊ ทุ้ แบ จ นุ้ ไจ้ะเว๊ บี่อี้ง, “อี้งเซ้อ, ท ล เม้ง อี้ง ทุ้ แบ น นุ้เฌะ เย้า, น ทไพ้ะทแม นอ, แบ ทแม้ไฆวะ, ดี๊ น ทเด้บ้ะ นอ, แบ ท แพล่ไฆวะ”

เซราฟีง ลแพ นอ, ชี๊เทิง โอ ลู่ง กแช่แยว้ อ คูด้าง, ล ดื้งๆ, นอ อ ได้ะ โอ ฆู๊งแพ้, เจ่ ได้ะ คี๊งแพ้ กาไบ้ะ เมะ, ดี๊ เจ่ ได้ะ คี๊งแพ้ กาไบ้ะ ล้าง คาง, ดี๊ เจ่ ได้ะ คี๊งแพ้ ลี้ ยู้ง

ฌ้อง เซราฟีง ล ดื้ง ลู่ง เซราฟีง อ โป้ง พ้า นอ, เฌ๊ ยู้ง ฌูง แย้, อ จูงพ้า โอ ดี๊ มีอีอ้า พี่ อ เว๊ แม้นี่ ท้ะไทะ ไทะ นี่ เว๊ ลู่ง ทลื่งล่าง

ดี๊ กแช่แยว้ ไจ้ะเว๊ บี่อี้ง “ลี้ แดเทา ดี๊ โล้ เอะ โพล้ง ล ชื้อ อี้ง บี่อี้ง ‘คุ้ช๊องแน เย้า คุ้ช๊องแน เด้าะ, แบเด้าะ แน ซี ล ฌี้ แคว่ เย้า แคว่ เด้าะ, แบเด้าะ แคว่ แด ล ฌี้’

เกม๊า แม้ ไค้ะซ๊า โพล้ง ล ชื้อ อี้ง อเซิงอซ้ะ ดี๊ แม้ อ้าไทะ อ แน่ ดี๊ แม้ โบล อ เมะ เมะ ล แม้ บี่นอ แบ, อ เว๊ ม แด เท่อ ดี๊ อ เมะ แน่ฌ๊า เท่อ ดี๊ อ แน่ ดี๊ แน เท่อ ซี ดี๊ อเซิงอซ้ะ ฌ้อง แกยไท้ อ ซ้ะ ดี๊ นี่แบ ทแม้ ก้องแย่ ไท้”