Popular Bible Verses from อีซยา 51

Share

“เฆ้อ ล้อ, เมะเว๊ เฆ้อ อี้ง ล้อ, พี่ แม้ ชองทาง น ซ้ะ แน้ น เก โพล้งเล้, พี่ ซ้ะเม กโพล้ง พี่ อ แบ ซี๊ง เมะเว๊ ซ้ะเม กโพล้ง พี่ แบ ท ดึ้ เกม๊า อ เก บี่ซุ้ดี๊ นาง?

ดี๊ ก ชวี๊งล้าง ก ทไคล้ ลู่ง น นุ้พ้า ดี๊ อางกีซูง แน้ ลู่ง กจูง อ ซยืง พ้า ก ต๊างทาง ทมุ้คู ดี๊ อางกีล้าง ฌางคูโคล๊งคู อ คางไท้ะคางพ๊าง ดี๊ โล้ เอะ ซีโยง บี่อี้ง, “น เก โพล้ง เฆ้อ ก ชื้อ”

เกม๊า คุ้ช๊องแน เฆ้อ, น ซื๊ง พี่ ซีงแฌ๊ ทแบกแช่แยว้อซ้ะ โพล้ง อ ชื้อ พี่ ก ทอางแม้เลา โอ อ ซ้ะพ้า ซ้ะเม กโพล้ง อ ท แม้ไฌ๊ซ้ะ ล ฌี้ ดี๊ แบคู่แบโฌ้ เท่อ ดี๊ อ ทไจ้ะทไคล้ ล ฌี้

เมะเว๊ กแช่ยาเว ม แม้ ชองทาง ซีโยง อ ซ้ะ กแช่แยว้ ม แม้ ชองทาง อ ทล่าง ญ๊องไฆวะ โอโปล้ ก้ะ กุ้จอง ดี๊ ม ดึ้ เกม๊า เว๊ อ แพะคูทเคแกล้ บี่ซุ้ดี๊ โซ๊ง เอเดง ดี๊ อ ทล่าง ซู๊งไฆ๊ บี่ซุ้ดี๊ กแช่ยาเว อ โซ๊ง เซง ม แด ท เซิงฆวี๊งซ้ะโย้, ดี๊ ท ซ้ะอวีงซ้ะโทะ ดี๊ อ เว๊ เลา ดี๊ ท ไจ้ะบลึ้ไจ้ะบลาง, ดี๊ แท๊ ซ้ะอวีง อ ลู่ง

ฌ้อง กแช่ยาเว อ โพล้ง ซีง ลแพ, พี่ เทะนี่ไท้ เว๊ เย้า นอ, ม เฌ๊ไท้ ดี๊ ม เฌ๊ ลู่ง ซีโยง ดี๊ ท ซ้ะอวีงแท๊ ท เซิงฆวี๊งซ้ะโย้ ล้างชู้ล้างแกย, ม โอ ลู่ง อ ซื๊งเว๊ อ คู ล้อง อ เว๊ ม นี่แบ ท เซิงฆวี๊งซ้ะโย้, ดี๊ ท ซ้ะอวีงซ้ะโทะ ท เมะมองแน๊อึ้, ดี๊ ท แซวี๊งแซซยู ม ไจคุ้ซูงไฆวะ