Popular Bible Verses from อีซยา 49

Share

“กมืง ม ซ้ะนาง อ พู พี่ อ อาง นู่ง ได้ะ ดี๊ ล ย๊างซ้ะ อ พู ลู่ง อ อ้อง พ้า แบ ซี ชี่-อ้า? ทึเมะ โพล้ง ลแพ อี้ง ม ซ้ะนาง เว๊ ซี ฌี้ นอ แบเด้าะ ก เว๊ นอ, ก ล ซ้ะนาง แน้ แบ

แคว่เซ้อ, ก นี่ แม้ไน แน้ ลู่ง กจูง ย๊างซ้ะ พ้า น เว่ง อ กางแป โอ ก เมะแซ พ้า ครึๆ

กแช่ยาเว ไจ้ะเว๊ บี่อี้ง “ล้างเท่ง ล้อ, ทึเมะ โพล้ง โอ ดี๊ อไฌ่อแบ้ อเพล่ นอ, ม แบ ท แม้นี่ ดี๊ โพล้ง ล้าง ซ้ะเม อ ฆ่อง นอ, ม แบ แม้ช้า เกม๊า อ ทางพลิ้ เมะเว๊ เฆ้อ อี้ง ล้อ, ก ม ดึ้ โละซ้ะ ดี๊ โพล้ง พี่ อ ดึ้ แน้ ดี๊ เฆ้อ อี้ง ล้อ, ม แม้ช้า น พู ลแพ นอ, เกม๊า อ พ้องพลิ้

กแช่แยว้ ไจ้ะเว๊ บี่อี้ง, “พี่ น ม เก จ เพล่ นอ บี่ซุ้ ม โชะทาง ยาคุ้ อ ชื้อ ลแพ นอ ล้อ ดี๊ บี่ซุ้ เกม๊า อีซลาเอง พี่ โอ ล้างลื๊อ ก้ะ ซีง ลแพ, โอฌี้โอแอว้ ไท้ นอ แคว่-อ้ะ ม เก ท ลปี๊ลคี่ น้ะ กชุ้ ก ม เกม๊า น เก ทพ้าง เอะ กเย่ โพล้ง กุ้ชื้อกุ้ชะ บี่ซุ้ ก ทพ้องทพลิ้ ม ลี้ท้อง มุ้คูทึ ฌางคูทึ”

โอ้, ทมุ้คู-เอ้อ, เกม๊า แม้เซ๊ทาง ลู่ง เซิงฆวี๊งซ้ะโย้, ดี๊ ฌางคูโคล๊งคู-เอ้อ, เกม๊า เซิงฆวี๊งซ้ะมึ แดเทา โอ้, ทลู่ง-เอ้อ, เกม๊า กุ้ซย้ะ ดี๊ ท ซ้ะอวีงซ้ะโทะ เมะเว๊ กแช่ยเว นี่ แม้มึทาง อพูอลี้ง เย้า ดี๊ ม ย๊างซ้ะ อ โพล้ง พี่ แบ ท แคแน อ ซ้ะ