Popular Bible Verses from อีซยา 1

Share

กแช่ยาเว ไจ้ะเว๊ บี่อี้ง “เฌ๊เซ้อ, เกม๊า ก ไคล้คว่าง โละซ้ะ ทึเมะ น ทเด้บ้ะ เก บี่ซุ้ดี๊ ซี่ง โฌ้จีลี ฌี้ นอ ม แอว้ ด้องซุ้ แน๊วะ ทึเมะ ม โฌ้ บี่ซุ้ดี๊ ตไกยะ โฌ้ ฌี้ นอ ม เกก้ะ ด้องซุ้ แกะ อ ชอง

น ซื๊ง เมะ แบซ้ะ ดี๊ คุ้ช๊องแน เท่อ นอ น ม นี่ อาง แบ อซูงอแซ ฌี้ ลู่ง ที๊งล่าง ค่างพ้า

เกม๊า แม้ลู ท อ ฌี้ เกม๊า อางฆื๊งแคว่ ท อเกิ้งอแบ เกม๊า แม้แบไท้ ท แคแนแคแก้ เกม๊า ไจ้ะช้าไคล้ช้า เอะ โพล้ง พูฆวี แพ่ เกม๊า ไคล้ช้า บ้าคว่าง ลู่ง โพล้ง มืงเม๊ อ ฌ่าง”

แบเด้าะ น ซื๊ง เมะ ซม๊า เท่อ ดี๊ กไบล้ะกแบล นอ น ม แบ ท อางยื่งคล่อง ดี๊ น้ะไอ อ แน่” เมะเว๊ กแช่ยาเว อ นุ้ นี่ โล้ เว้ เว๊ เย้า”

เกม๊า อางกีฌี้ ล้าง ซ้ะ, ดี๊ แม้ น ซ้ะ เมะเช๊งเมะเกล้ง เกม๊า น แม้ไฆวะ น ทอ้าทซ๊าง ท่อง อ พ้องไฆวะ ดี๊ ก เมะ เกม๊า แม้ ทอ้าทซ๊าง ล้า ล ฌี้

พี่ น เยาทาง น จูง ก ม กาไบ้ะไฆวะ ก เมะ ดี๊ แน้ ทึเมะ น ม ชูแพอางท่าง เท่อ แอฌี่งแอฌ้อง ฌี้ นอ ก ล คุ้ช๊องแน แบ เป๊งนี่ น จูง โอ ฆวี้ ดี๊ ทซวีงทเซ๊ง

ทเทว๊ ลเฌิ่งลค๊า แบ นอ, เฌ๊โชะ ล้า ล ฌี้ ทน๊าม๊า นอ เก ท ล้าง ซ้ะลูซ้ะไล้ะ ลู่ง ก ฌ่าง มื่งนี้ง แม้ ทไฌ่ แม้มึอางอวีง แล้ ทางซ๊าง, มื่ง ดืงเท่อ ดี๊ ท กุ้ เฌ๊ โอซยอง นอ ทแม้ ทอ้าทซ๊าง ล พ๊าฆ่าง ดี๊ ท แพโซง ซยื๊งซย้อง นอ, ก โอโก้ง ล ซี แบ

งู้ นอ ซีงแฌ๊ อ กแช่ ได้ะ ดี๊ แลว้ นอ ซีงแฌ๊ อ เซงคู อ ทล่าง อางกี นาง แบเด้าะ อีซลาเอง ล ซีงแฌ๊ เท่อ แบ ก พู ก ลี้ง แน เท่อ ล ซี แบ”

ก แช๊เมะไฌ๊ซ้ะ ดี๊ น มื่งนี้ง แม้ ทไฌ่ แม้มึอางอวีง แล๊ ทางซ๊าง, ดี๊ มื่งนี้ง แม้ ทไฌ่ แม้มึอางอวีง บี่ซุ้ดี๊ น ท อางกีล้าง เว้ นอ เกทาง ก้ะ ทอวีงทยุ้ ฆ๊า ลู่ง ก ล้อง ก อวีง ก ยุ้-อ้ะ ท๊อง ทไปว้ะ ก ซ้ะ เย้า