Popular Bible Verses from 2​กจุ้แฆว้ 6

Share

ฌ้อง เอลีชา ชูแพ อางท่าง เท่อ ไจ้ะเว๊, “กแช่ยาเว-เอ้อ, แม้ พ้างทาง เอะ อ เมะ, บี่ซุ้ อ เว๊ ม แด เท่อ”, ดี๊ กแช่ยาเว แม้ พ้างทาง น่างบางซ้ะบาง แคว๊ ล แฌ้ นอ อ เมะ, ฌ้อง อ เว๊ แคว่ เท่อ แด เว๊ ลู่ง ทลู่ง คู นอ กซี โอ ฆวี้ทะ, ดี๊ เลาะ ดึ้ซึ้ เท่อ พี่ เก มี นอ โอ วะ เอลีชา อ ฆ้อง

อ เท่อ ไคล้ช๊า-อ้ะ ไจ้ะเว๊, “ซ้ะเม ล ฌี้, เมะเว๊ เฆ้อ ล แพ้ อี้ง ก โอ แอเละ อ ซื๊งเว๊ ล แพ้ นอ ได้ะ”

พี่ โพล้ง กแช่แยว้ เว๊ อ เพล่ นางทาง อ ซ้ะ ลู่ง โฌ้ ล คึ, ดี๊ ไจทาง นอ, แคว่เซ้อ, ซึ้พูมู๊ง ดี๊ กซี ดี๊ เลาะ ดึ้ซึ้ เท่อ พ้องวะ เว่ง, ดี๊ อ เพล่ โล้ เอะ-อ้ะ ไจ้ะเว๊, “ล กลุ้ ล้าแบ จ เซงคู-เอ้อ, ก ม แม้ก้ะ บี่จะเล้?”

ดี๊ ท่อง โพล้ง ซีเรีย เฌ๊ล้าง ดึ้ โละซ้ะ ดี๊-อ้ะ นอ, เอลีชา ชูแพ อางท่าง เท่อ ดี๊ กแช่ยาเว ไจ้ะเว๊, “เกม๊า โพล้ง ลแพ อี้ง อ เมะ โบลไฆวะ”, กแช่แยว้ เกม๊า อ ซื๊งเว๊ อ เมะ โบลไฆวะ, บี่ซุ้ ดี๊ เอลีชา อ ทชูแพ อางท่าง เท่อ นอ ล้อ

ฌ้อง โพล้ง กแช่แยว้ เว๊ อางจ้ะ-อ้ะ ไจ้ะเว๊, “แกว้ นอ ล้างเทะ พี่จองเล้?”, ท่อง อ เว๊ ต้องล้าง โล้ เอะ เว๊ ฌ้อง นอ, อ เว๊ กล้างนี่ เซง ล กึ้ ไควะล้าง เว๊ พี่ นอ, ดึ้ เกม๊า แกว้ ท้ะ นอ ทางโพ๊ ที๊ง คู

โอ ล แฌ้ พี่ อ เคา เซง แค๊ นอ, อ แกว้ ล้างเทะ ลู่ง ที๊ง แกล้, ดี๊ กุ้ทาง เท่อ ไจ้ะเว๊, “ล กลุ้ ล้า แบ, จ เซงคู-เอ้อ, แกว้ นอ จ โชะนี่ ชู๊ โพล้ง อ เท่อ”

ดี๊ เอลีชา โล้ เอะ-อ้ะ ไจ้ะเว๊, “พองนี่ โชะทาง-อ้ะ เซ้อ”, อ เว๊ เยาล้าง อ จูง ลี้ พองนี่ โชะทาง เว๊