Popular Bible Verses from 2​กจุ้แฆว้ 2

Share

ท่อง อ ค๊างฆ้าง เย้า นอ, เอลียา ไคล้ ดี๊ เอลีชา ไจ้ะเว๊, “น แบซ้ะ เกม๊า จ แม้ เอะ แน้ ทเม้งเล้?, นอ, อางท่าง แดเทา, พี่ จ ล แบ ทฮะนี่, ม ไจแดไฆวะ แน้ ได้ะ แบ อ แค๊ อี้ง”, เอลีชา ไคล้ช๊า-อ้ะ ไจ้ะเว๊, “เกม๊า จ นี่แบ นซยื๊งนซย้อง นอ คี๊ง โทะ”

ท่อง อ ซื๊ง คี๊ง แฌ้ ลี้ ไคว่ๆ, อางโล๊ไท้ โย๊ เท่อ ไคว่ๆ, นอ, แคว่เซ้อ, เลาะ ดึ้ซึ้ เท่อ เก มี ล ช๊อง, ดี๊ กซี มี ซีง นอ, แม้ ล้างพ้ะ อ ซื๊งเว๊ คี๊ง แฌ้ นอ, ดี๊ เอลียา นี่ ลี้ทาง ทมุ้คู ลู่ง ทแม้อ้า ซ้ะ อ พ้า ไวะ, นึฆ้าง มุ้คู พ้า ไวะ

ดี๊ เอลียา ไคล้ช๊า-อ้ะ ไจ้ะเว๊, “น อางท่าง เท่อ พี่ อ แก เต้ๆ, แบเด้าะ น เมะ แด ทฮะนี่ แย้, ไจแดไฆวะ แน้ นอ, น ม นี่แบ-อ้ะ บี่นอ ล้อ, แบเด้าะ น เมะ ล แด แบ นอ, น ล นี่ แบ”

ฌ้อง เอลียา อ ไช๊แค่ พ้ะโท๊ พี่ อ ล้างเทะ นอ, อ เว๊ พอง เป้ล้าง เว๊ ที๊ง คู ไจ้ะเว๊, “กแช่ยาเว เอลียา อ กแช่แยว้ โอ พี่จองเล้?”, ดี๊ ท่อง อ เว๊ เป้ล้าง ที๊ง พ้า นอ, ที๊ง อางน้างพ้ะ อ ซ้ะ เก คี๊ง แพ้, ดี๊ เอลีชา ลี้ ค๊างฌะฆ้าง เว๊ ไวะ

เอลีชา แด เว๊ ดี๊ กุ้ซย้ะ เท่อ ไจ้ะเว๊, “จ แพ่-เอ้อ, จ แพ่-เอ้อ, โพล้ง อีซลาเอง อ เลาะ ดึ้ซึ้ เท่อ ดี๊ ซึ้พู เทา กซี” ดี๊ อ เว๊ ล แด เอลียา น่าง พ๊า ล้าแบ, ฌ้อง อ เว๊ พองล้าง อ ไช๊แค่ ซย๊างยะ เว๊ เก คี๊ง ไก้

ฌ้อง เอลียา แม้นี่ อ ไช๊แค่ พ้ะโท๊ ไวะปไก้ เว๊, ฌ้อง เป้ล้าง เว๊ ลู่ง ที๊ง พ้า นอ, ฌ้อง ที๊ง นอ อางน้างพ้ะ อ ซ้ะ คี๊ง แพ้, อ ซื๊งเว๊ คี๊ง แฌ้ นอ ลี้ ค๊างฆ้าง ฌางคู ซู๊งโคล่ คู ไวะ

โอ ลู่ง ไค๊, พี่ ท้อง อช๊าอโท่ ลู่ง กแช่ยาเว ม ฮะนี่ เอลียา, ลี้ทาง ลู่ง ทมุ้คู นอ, เอลียา ดี๊ เอลีชา ไจทางนี่ ลู่ง กีลากาง พ้า