Popular Bible Verses from Romebi 4

Share

Mbe yirda daa maŋ gbuŋgbuŋ to n shin nɛ e fara a lar Ebɔrɛ be kɔnɔ naseso be kaman. E daŋ nya yirda be eleŋ nna n ti so nseŋ ta kemaŋkura n sa Ebɔrɛ. E daa nyi geeŋ fanɛ Ebɔrɛ beeŋ tiŋ n wora kusɔ nɛ e daŋ nase kɔnɔ ŋ kaŋɛ fanɛ e beeŋ wora na.

Loŋ nɛ abɔrɛsibɛ na bee kaŋɛ fanɛ Ebɔrɛ kaŋɛ Eebraham le na. E yɛ: “N ta fo ŋ ki efuli damtaana so ebi bumo tuto.” Amoso, Ebɔrɛ be anishito Eebraham nɛ e daŋ yirda mo ere Ebɔrɛ nɛ e bee sa basa wuso ŋkpa nsaa shin nɛ asɔ nɛ a maŋ wɔ durnya to bee fara kebaawɔtɔ na e la an tuto.

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

Saŋɛ nɛ Eebraham daŋ yirda nseŋ tama na, e daa maŋ wu shɛŋ pɔɛŋ nna nseŋ tama. Amoso nɛ e ki efuli damta so ebi bumo tuto fanɛ kananɛ abɔrɛsibɛ na kaŋɛ mo le na: “Loŋ nɛ fo kaman to ebi beeŋ ba wora keshi a sa.”

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

E yɛ: “Nɛfa la bumo nɛ Ebɔrɛ ta bumo be alubi m paŋ bumo na peya nna, bumo nɛ e kpra bumo be alubi bumo so na. Nɛfa la esa nɛ Enyɛnpe na maa nyiŋi mbe alubi be asheŋ na peya nna.”

Ŋkpal manɛ so, le nɛ abɔrɛsibɛ na bee kaŋɛ: “Eebraham daŋ yirda Ebɔrɛ nna so nɛ mo ere Ebɔrɛ nase kumo fanɛ e la elelapo na.”