Popular Bible Verses from Romebi 11

Share

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

Loŋ malɛ nɛ abɔrɛsibɛ na bee kaŋɛ na: “Wanɛ e nyi Enyɛnpe be kagbene to wanɛ e naaŋ tiŋ n sa mo nfɛra ashi mbe asheŋ woraso to?

Naniere be jemanɛ ere gba, loŋ koŋwule nna fanɛ mo ere Ebɔrɛ lara basa gbrɛbi ko nna n sa mbe kumu ŋkpal mbe kuwɔr be kakɛ so. K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere, men sa maa puchi ŋkpal men ka la ayabi na so, ŋkpal manɛ so, men baa nyiŋi fanɛ mannɛ menyi e kɔ nliŋi na to, amo e kɔ menyi to.