Popular Bible Verses from Aŋasa 16

Share

Ta kusɔ kama nɛ fee sha kewora m bɔɔ Enyɛnpe Ebɔrɛ enɔ nɛ asheŋ e nite nɛnɛ n sa fo.

Dimɛdi e wɔ afɛso, ama Enyɛnpe Ebɔrɛ e wɔ aworbi.

Kamalga lela du fanɛ mushoŋchu nna a wora basa ebel; nsaa sa eyur be alenfia.

Dimɛdi e wɔ afɛso ama Enyɛnpe Ebɔrɛ e wɔ aworbi.

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Asheŋ bee nite nɛnɛ nna a sa esa kama nɛ e bee kaŋ kusoe a nu keŋini, nɛ Enyɛnpe Ebɔrɛ malɛ bee nɛfa esa kama nɛ e ta mbe yirda n deŋi mo so.

Kebɔla ekpa niŋiso so n nya asɔ gbrɛ bɔ kebirkɔshi so be kedamaya.

Asheŋ ko bee kaa du fanɛ asheŋ lela nna n sa dimɛdi, ama amo be lalaloge bee yɛr mo luwu to nna.

Esa nɛ e bee ku asheŋ bee bar kebagato nna nɛ esa nɛ e bee sha ŋkuli malɛ bee ku beteri kpakpaso to.