Popular Bible Verses from Aŋasa 13

Share

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Esa kama nɛ e maa gberge mbe mbia kusoe a ŋini bumo asheŋ maa sha bumo nna na. Esa kama nɛ e bee sha mbe mbia bee gberge bumo kusoe nna a ŋini bumo asheŋ saŋɛ nɛ k daga.

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Kebaawora asheŋ niŋiso bee kuŋ esa niŋiso nna, ama alubi bre bee da basa lubi nna a lɛ.

Ekpa lubi so be kanya maa chɛr nsaa loge. Ama esa kama nɛ e bee fin gbrɛgbrɛbi be kanya bee ti so saŋkama nna.

Kamoowu bee bar esa tɔrɔ nna. Enyiashempo bre bee fin kasotoji nna.

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Kebia nyiashempo kikɛ bee kaŋ kusoe nna a nu mo tuto be keŋini, ama kumukpakpasowura bre maa shuli a sɔ keŋini.

Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.