Popular Bible Verses from Matiu 15

Share

Ama asɔ nɛ a bee shi esa be kɔnɔ to a lar na bee shi mbe kagbene to nna. Loŋ malɛ be asɔ e naa jija mo. Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa. Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.

Kache na ka nu loŋ na nɛ e ba gbir Yesu be anishito nseŋ kaŋɛ: “Enyɛnpe, chɛ ma to.” Nɛ Yesu kaŋɛ: “A maŋ daga b ka ta mbia be ajibi n lɛ njɔnɔ.” Ndoŋ nna nɛ kache na kaŋɛ: “Kashenteŋ nna Enyɛnpe, ama njɔnɔ gba bee kaa dese ejikpa a tise bumo nyɛnpeana be ejiŋka a ji.”