Popular Bible Verses from Jɔn 21

Share

B ka ji n loge nɛ Yesu bishi Saimɔn Pita le: “Saimɔn, Jɔn pibinyɛn, fee sha ma kashenteŋto a chɔ bede ere a?” Nɛ Pita kaŋɛ mo: “Mm Enyɛnpe, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔbi so.” Nɛ Yesu naŋ bishi mo kela nyɔsopo: “Saimɔn, Jɔn pibinyɛn, fee sha ma kashenteŋto a?” Nɛ Pita naŋ shuli ŋ kaŋɛ: “Mm Enyɛnpe, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.” Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Kede be kaman nɛ e naŋ kaŋɛ mo le: “Kashenteŋ nɛ mee kaŋɛ fo na fanɛ fo ka daa la kabrantiɛbia na, fo gbagba e daa kre so a yɔ kaplɛkama nɛ fo daa sha, ama nɛ fo ba bel, feeŋ teŋi fo enɔana to nɛ esa pɔtɛ e kre fo to n yɛr fo kakpa nɛ fo maa sha keyɔ.”

Nɛ e kaŋɛ bumo: “Men lɛ menyi be keshewu na n wɔtɔ ekuloŋ na be jisoso, menyeeŋ nya ako m pɛ.” Ndoŋ nna nɛ b lɛ keshewu na n wɔtɔ ndoŋ a maŋ tiŋ nɛ b gberge keshewu na n wɔtɔ ekuloŋ na to ŋkpal ekɔrɔtɔ damta nɛ b daŋ pɛ na so.

Nɛ Saimɔn Pita kaŋɛ bumo le: “Ma ere bee yɔ ekɔrɔtɔ be kepɛ to nna.” Nɛ bumo nɛ b ka na malɛ kaŋɛ mo: “Anyeeŋ tu fo n yɔ.” Ndoŋ nna nɛ bumo kikɛ lar n ya luri ekuloŋ to, ama kumo be kamɔnchɛ be kanyɛso na b daa maŋ nya shɛŋ m pɛ.