Popular Bible Verses from Ɛksodɔs 7

Share

Ndoŋ nna nɛ Enyɛnpe Ebɔrɛ kaŋɛ Mosis le: “Keni meeŋ shin nɛ fo yili ma katelamu to n yɔ ewura Fɛɛro be anishito, nɛ fo da Ɛɛrɔn malɛ e malga n sa mo fanɛ anebi.

Ama meeŋ shin nɛ Fɛɛro e wora mbe kagbene kpakpa. Hale nɛ n wora etɔɔnɛsheŋ nɛ emamachisheŋ damta m bɛ abar so ashi Ijipt be kasawule so gba, Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Ndoŋ nna nɛ Fɛɛro malɛ tre mbe benyiashempo nɛ ŋkilgiwuraana nɛ bumo alɛ gba ba ta bumo be ŋkilgi n wora loŋ gbagba chap. Ijipt be ŋkilgiwuraana na gba be ekama daŋ ta mbe kekpabi n wora ademansheŋ nna nseŋ ta amo n lɛ kasawule nɛ a kilgi awɔ. Ndoŋ nna nɛ Ɛɛrɔn be kekpabi nɛ k kilgi kuwɔ na bela bumo peyaana na kikɛ m min.

Amoso Enyɛnpe Ebɔrɛ na yɛ: ‘Kesheŋ nɛ mee sha kewora ere e naaŋ shin nɛ fo pin fanɛ ma e la Enyɛnpe Ebɔrɛ na.’ Keni, meeŋ ta kekpabi nɛ k wɔ ma enɔ to ere ŋ ŋmɛa Nail be nchu ere so nɛ a kilgi ŋklaŋ.

“Nɛ ewura Fɛɛro ka baŋ kaŋɛ menyi le: ‘Men wora kemamachisheŋ ko nɛ k ŋini fanɛ kusɔ nɛ men kaŋɛ ere la kashenteŋ nna.’ Fo kaŋɛ Ɛɛrɔn le: ‘Ta fo kekpabi na n lɛ Fɛɛro be anishito, k beeŋ kilgi kuwɔ.’ ” Ndoŋ nna nɛ Mosis nɛ Ɛɛrɔn yɔ ewura Fɛɛro kutɔ n ya wora kananɛ Enyɛnpe Ebɔrɛ ŋini bumo na. Ɛɛrɔn daŋ ta kekpabi na nna n lɛ Fɛɛro nɛ mbe benimu be anishito nɛ k kilgi kuwɔ.