Popular Bible Verses from Ɛksodɔs 5

Share

Ade kikɛ be kaman nɛ Mosis nɛ Ɛɛrɔn yɔ Ijipt be ewura Fɛɛro kutɔ n ya kaŋɛ mo le: “Enyɛnpe Ebɔrɛ nɛ e la Israɛlebi be Ebɔrɛ na yɛ: ‘Shin nɛ ma basa e yɔ n ya wora kejigboŋ m bunyaŋ ma ashi keshishɛrsawule na so.’ ”

Yili saŋɛ nɛ fo shuŋi ma fanɛ m ba yili fo katelamu to m malga n sa ewura Fɛɛro na kikɛ nɛ e baa wɔtɔ a tɔrɔ Israɛlebi ere, ama fo alɛ maŋ wora shɛŋ n chɛ fo basa to kuraa.”

Ndoŋ nna nɛ Mosis naŋ lɔŋɛ m bishi Enyɛnpe Ebɔrɛ le: “Enyɛnpe Ebɔrɛ, manɛ e ba nɛ fo ta tɔrɔ m ba fo basa ere so le? Ama le so nɛ fo shuŋi ma nfe a?

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Ama men shin nɛ b baa kraa kuya ebirkesi na nɛ a baa fo kananɛ b chɛr a kuya amo na. Men sa maŋ shin nɛ kukoŋwule gba e duga so. Ntɔl e kɔ bumo so so nɛ baa kaŋɛ le: ‘Shin nɛ an ya lara esarga n sa anyi be Ebɔrɛ.’ Men sa bumo kushuŋ kpakpaso n ti so nɛ b baa shuŋ, saŋɛ na so b maaŋ naa nya dama a nu efɛ be mmalga fuloŋ ere.”