Popular Bible Verses from Kaŋinichiŋgeliŋ 11

Share

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Esa kama nɛ e bee sha fanɛ afu e baa nite nɛnɛ nɛ kakpa e kpeta to nɛnɛ pɔɛŋ nɛ e dɔ, maaŋ tiŋ n dɔ n duu n teŋi shɛŋ.

Kananɛ fo maaŋ tiŋ m pin ekpa nɛ afu bee bɔla so a ba, ŋko kananɛ kebia bee wora a daŋ mo nio be epun to na, a loŋ nɛ fo maaŋ tiŋ m pin Ebɔrɛ nɛ e to kusɔ kikɛ na be kasheŋwora to.

Baa wule a koso kachipurdidi n ya kaa duu fo asɔduu nsaa pere kenishi a shuŋ a tɔr epeŋi. Ŋkpal manɛ so fo maaŋ tiŋ m pin fanɛ kachipurso peya na ŋko kaaseso peya na e naaŋ wora n lar tɔnɔ n sa fo.

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.