‘Menyeeŋ nu hale n ya gben, ama men maaŋ pin to.
Menyeeŋ keni hale n ya gben, ama men maaŋ wu shɛŋ.’
‘Ŋkpal basa ere be ŋgbene ka du kpakpa so
b ti bumo be asoe
nseŋ buu bumo be anishi so.
Nɛ mannɛ aloŋ, bumo be anishi beeŋ bugi asheŋ be kewuto
nɛ bumo be asoe e bugi asheŋ be kenuto
nɛ bumo be ŋgbene e bugi asheŋ be kepinto.
Ebɔrɛ yɛ: Loŋ na baaŋ ba ma kutɔ
nɛ n lara bumo ashi bumo be kebaawɔtɔ dra to
n sa bumo kebaawɔtɔ popɔr.’ ”