Popular Bible Verses from 2 ໂກຣິນໂທ 7

Share

ດ້ວຍວ່າ, ຄວາມ​ທຸກໃຈ​ຕາມ​ຢ່າງ​ຊອບ​ພຣະໄທ​ພຣະເຈົ້າ​ນັ້ນ ຍ່ອມ​ເຮັດ​ໃຫ້​ກັບໃຈ​ເສຍ​ໃໝ່ ຊຶ່ງ​ນຳ​ໄປ​ສູ່​ຄວາມ​ພົ້ນ​ໂດຍ​ບໍ່ຄວນ​ກິນແໜງ, ແຕ່​ຄວາມ​ທຸກໃຈ​ຕາມ​ຢ່າງ​ໂລກ​ນັ້ນ ຍ່ອມ​ນຳ​ໄປ​ເຖິງ​ຄວາມ​ຕາຍ.

ບັນດາ​ເພື່ອນ​ທີ່​ຮັກ​ຂອງເຮົາ​ເອີຍ, ເມື່ອ​ພວກເຮົາ​ມີ​ພຣະສັນຍາ​ໃໝ່​ດັ່ງນີ້​ແລ້ວ ຈົ່ງ​ໃຫ້​ພວກເຮົາ​ຊຳລະ​ຕົວ​ຈາກ​ທຸກສິ່ງ ທີ່​ເຮັດ​ໃຫ້​ຮ່າງກາຍ​ແລະ​ຈິດ​ວິນຍານ​ເປັນ​ມົນທິນ ແລະ​ຈົ່ງ​ເຮັດ​ໃຫ້​ມີ​ຄວາມ​ບໍຣິສຸດ​ຢ່າງ​ຄົບຖ້ວນ ໂດຍ​ຄວາມ​ຢຳເກງ​ພຣະເຈົ້າ.

ບັດນີ້ ເຮົາ​ມີ​ຄວາມ​ຊົມຊື່ນ​ຍິນດີ ບໍ່ແມ່ນ​ເພາະ​ຄວາມ​ທຸກໃຈ​ຂອງ​ເຈົ້າ​ທັງຫລາຍ, ແຕ່​ເພາະ​ຄວາມ​ທຸກໃຈ​ນັ້ນ ເປັນ​ເຫດ​ໃຫ້​ພວກເຈົ້າ​ກັບໃຈ​ເສຍ​ໃໝ່ ເພາະວ່າ​ພວກເຈົ້າ​ໄດ້​ຮັບ​ຄວາມ​ທຸກໃຈ​ຢ່າງ​ທີ່​ຊອບພຣະໄທ​ພຣະເຈົ້າ ຈຶ່ງ​ບໍ່ໄດ້​ຮັບ​ຜົນຮ້າຍ​ຈາກ​ເຮົາ​ຈັກ​ຢ່າງ.