Popular Bible Verses from 1 ຕີໂມທຽວ 3

Share

ເຮົາ​ຕ້ອງ​ຍອມຮັບ​ເຖິງ​ຄວາມ​ຍິ່ງໃຫຍ່​ໃນ​ຂໍ້​ລັບເລິກ​ແຫ່ງ​ຄວາມເຊື່ອ​ຂອງ​ພວກເຮົາ​ຄື: ພຣະອົງ​ໄດ້​ປາກົດ​ໃນ​ສະພາບ​ມະນຸດ ໄດ້​ຖືກ​ຊົງ​ສຳແດງ​ໃຫ້​ເຫັນ​ເປັນ​ຜູ້​ຊອບທຳ ໂດຍ​ພຣະວິນຍານ ຊົງ​ສຳແດງ​ພຣະອົງ​ແກ່​ພວກ​ເທວະດາ. ມີ​ຜູ້​ປະກາດ​ເລື່ອງ​ພຣະອົງ​ ໃນ​ທ່າມກາງ​ພວກ​ຕ່າງຊາດ. ມີ​ຜູ້​ເຊື່ອຖື​ພຣະອົງ​ທົ່ວ​ທັງ​ໂລກ ແລະ​ຖືກ​ຮັບ​ຂຶ້ນ​ສູ່​ສະຫງ່າຣາສີ.

ຜູ້​ປົກຄອງ​ຄຣິສຕະຈັກ ຕ້ອງ​ເປັນ​ຜູ້​ປາສະຈາກ​ການ​ຕຳໜິ​ຕິຕຽນ ລາວ​ຕ້ອງ​ມີ​ເມຍ​ຄົນ​ດຽວ​ເທົ່ານັ້ນ ຮູ້ຈັກ​ບັງຄັບ​ຕົນ ແລະ​ມີ​ສະຕິ​ອັນ​ດີ​ຮອບຄອບ ມີ​ກິຣິຍາ​ຮຽບຮ້ອຍ ລາວ​ຕ້ອງ​ມີ​ນໍ້າໃຈ​ເຫຼື້ອມໃສ​ໃນ​ການ​ຕ້ອນຮັບ​ແຂກ ເໝາະສົມ​ເປັນ​ຄູ​ທີ່​ດີ​

ລາວ​ຕ້ອງ​ເປັນ​ຄົນ​ສາມາດ​ນຳພາ​ຄອບຄົວ​ຂອງຕົນ​ໄດ້​ດີ ແລະ​ໃຫ້​ລູກ​ນ້ອມຟັງ​ດ້ວຍ​ຄວາມນັບຖື​ທຸກປະການ.

ສ່ວນ​ຜູ້​ດູແລ​ຮັບໃຊ້​ໃນ​ຄຣິສຕະຈັກ ຕ້ອງ​ມີ​ເມຍ​ດຽວ​ເທົ່ານັ້ນ ເປັນ​ຜູ້ນຳພາ​ລູກໆ ແລະ​ຄອບຄົວ​ຂອງຕົນ​ໄດ້​ດີ. ຜູ້ດູແລ​ຮັບໃຊ້​ທີ່​ປະຕິບັດ​ໜ້າທີ່​ໄດ້​ດີ​ນັ້ນ ກໍໄດ້​ຮັບ​ກຽດ​ສູງ ແລະ​ມີ​ໃຈ​ກ້າ​ສາມາດ​ກ່າວ​ຢ່າງ​ໝັ້ນໃຈ ເຖິງ​ຄວາມເຊື່ອ​ຂອງ​ພວກ​ຕົນ​ໃນ​ພຣະຄຣິດເຈົ້າ​ເຢຊູ.