Popular Bible Verses from Loos 9

Share

Yogle ntawd, txhua yaam kws Vaajtswv ua ntawd, tsi yog ua lawvle tuabneeg txuj kev ntshaw lossis lawvle tej kws tuabneeg ua, tabsis yog ua lug ntawm Vaajtswv txuj kev taabncuab xwb.

Ruaqhov Vaajtswv has rua Mauxes has tas, “Kuv pumzoo taabncuab tug twg, Kuv yuav taabncuab tug ntawd, hab Kuv pumzoo hlub tug twg, Kuv yuav hlub tug ntawd.”

Phoojywg, koj yog leejtwg, es tseem yuav nrug Vaajtswv siscaav hab? Lub laujkaub aav yeej tsi has rua tug kws puab laujkaub has tas, “Uacaag koj puab kuv zoole nuav?”

Yogle ntawd, yog Vaajtswv pumzoo taabncuab tug twg, Nwg yeej taabncuab tug ntawd, hab Nwg pumzoo kuas tug twg tawv ncauj, Nwg yeej ua kuas tug ntawd tawv ncauj.

Tug kws puab laujkaub nwg tsi muaj cai siv tuab thooj aav lug puab ob lub laujkaub lawvle nwg lub sab nyam lov? Txawm nwg yuav puab ib lub lug siv rua thaus muaj tej yaam tshwjxeeb xwb, hab puab dlua ib lub lug siv ua dlejnum txhua nub los nyob ntawm nwg pumzoo.