Popular Bible Verses from Malakaus 8

Share

Ruaqhov tug kws xaav ceev nwg txujsa, tug ntawd yuav nplaam txujsa. Tabsis tug kws yeem ca nwg txujsa tu pub rua Kuv hab rua Txuj Moo Zoo, tug ntawd yuav ceev tau nwg txujsa.

Yog leejtwg tau ibpuas tsaavyaam huv nplajteb nuav lug ua nwg tug, tabsis nwg txujsa tu lawm, tej ntawd yuav muaj qaabhau dlaabtsi rua nwg?

Yexus txhaj hu cov tuabneeg coob-coob ntawd hab Nwg cov thwjtim lug cuag Nwg, Nwg has rua puab tas, “Yog leejtwg xaav nrug Kuv moog, nwg yuavtsum xob xaav txug nwg tugkheej, kwv nwg tug ntoo khaublig, hab lawv Kuv qaab.

Yeej tsi muaj ib yaam dlaabtsi kws nwg yuav coj moog txhwv tau nwg txujsa rovqaab lug! Yog leejtwg txaajmuag rua Kuv lub npe hab Kuv tej lug qha nyob rua tam kws tuabneeg tsi muaj Vaajtswv hab nyam ua phem ua qas nuav, tes Tuabneeg Leejtub yuav txaajmuag rua tug ntawd hab, thaus lub sijhawm kws Nwg nrug Nwg cov timtswv dlawbhuv lug sau ntuj lug hab nrug Leejtxiv tug tshwjchim kws ci ntsaa-ab lug.”

Yexus nug has tas, “Mej ne, mej ho has tas Kuv yog leejtwg?” Petus teb tas, “Koj yog tug Mexiyas.”