Popular Bible Verses from Malakaus 10

Share

Txawm yog Tuabneeg Leejtub los Nwg tsi tau lug kuas leejtwg tu Nwg, tabsis Nwg lug tu suavdlawg, hab muab Nwg txujsa lug txhwv ntau leej tuabneeg.”

Yexus saib cov thwjtim hab has tas, “Yaam nuav mas tuabneeg ua tsi tau tabsis Vaajtswv ua tau; ruaqhov Vaajtswv ua tau txhua yaam huv tuabsi.”

Yexus has rua nwg tas, “Koj cale moog, koj txuj kev ntseeg tub khu koj zoo lawm.” Taamsim ntawd nwg txawm pumkev hab nrug Yexus taug kev moog.

Yogle ntawd, yaam kws Vaajtswv tau muab lu tsheejxeeb uake lawm, tuabneeg tsi xob muab cais.”

Yexus tsaa qhovmuag saib nwg hab hlub nwg heev, Yexus txhaj has tas, “Tshuav ib qho kws koj tseem tuncua. Koj rov moog muab txhua yaam kws koj muaj muag huv tuabsi, hab muab cov nyaj ntawd moog pub rua cov tuabneeg pluag, koj txhaj yuav npluanuj nyob sau ntuj ceebtsheej. Tomqaab ntawd koj cale lug nrug Kuv moog.”

Yexus nug nwg has tas, “Koj xaav kuas Kuv ua dlaabtsi rua koj?” Tug dligmuag teb tas, “Xwbfwb, kuv xaav rov pumkev.”

Tabsis ntawm mej tsi yog le ntawd. Yog mej leejtwg xaav ua tug luj, nwg yuavtsum ua suavdlawg tug tubkhai

Kuv qha tseeb rua mej has tas, yog leejtwg kws tsi txais yuav Vaajtswv lub Tebchaws zoo ib yaam le cov mivnyuas yau nuav, tes tug ntawd yuav nkaag moog tsi tau rua huv hlo le.”

Tabsis muaj ntau tug kws nwgnuav nyob tom hauvntej yuav tau moog nyob tom tw, hab ntau tug kws nyob tom tw yuav tau moog nyob tom hauvntej.”

Tabsis thaus chivkeeb kws Vaajtswv tsim lub nplajteb, lawvle Vaajtswv Txujlug sau tseg has tas, ‘Vaajtswv tsim tug quasyawg hab tug quaspuj.’ ‘Tub yog vimle nuav tug txivneej txhaj tso nwg nam nwg txiv tseg, hab moog nrug nwg tug quaspuj tsheejxeeb uake, hab obtug yuav koom ua ib lub cev.’ Obtug tsi yog ob leeg, tabsis yog ib leeg lawm xwb.