Popular Bible Verses from Mathais 5

Share

Tsi muaj leejtwg taws teeb es muab ib lub phab khwb rua; tsuas muaj yuav muab txawb rua sau lub txee txawb teeb, kuas txhua tug kws nyob huv lub tsev pumkev xwb. Ib yaam le ntawd, mej lub teeb yuavtsum ci rua suavdlawg, sub puab txhaj yuav pum tej num zoo kws mej ua hab qhuas mej Leejtxiv kws nyob sau ntuj ceebtsheej.

“Mej yog qhov pumkev rua tuabneeg nplajteb. Lub nroog kws nyob sau roob, yeej tsi muaj ib yaam dlaabtsi yuav thaiv tau nwg.

“Cov kws muaj lub sab dlawbhuv, cov ntawd muaj kev zoosab, ruaqhov puab yuav pum Vaajtswv!

“Cov kws tshaib hab nqhes rua txuj kev ncaajnceeg, cov ntawd muaj kev zoosab, ruaqhov Vaajtswv yuav pub rua puab tsaunpo!

Tabsis nwgnuav Kuv qha rua mej has tas, hlub mej cov yeebncuab hab thov Vaajtswv rua cov kws tsimtxom mej

“Cov kws pluag rua saab ntsujplig, cov ntawd muaj kev zoosab, ruaqhov Vaajtswv lub Ntuj Ceebtsheej yog puab tug!

“Cov kws ua rua tuabneeg nyob sis humxeeb, cov ntawd muaj kev zoosab, ruaqhov Vaajtswv yuav hu puab has tas yog Nwg cov mivnyuas!

“Cov kws quajntsuag, cov ntawd muaj kev zoosab, ruaqhov Vaajtswv yuav nplig puab sab!

“Cov kws raug luas tsimtxom vim puab ua lawvle Vaajtswv lub sab nyam, cov ntawd muaj kev zoosab, ruaqhov Vaajtswv lub Ntuj Ceebtsheej yog puab tug!

“Cov kws taabncuab lwmtug, cov ntawd muaj kev zoosab, ruaqhov Vaajtswv yuav taabncuab puab!

“Thaus luas txobthuam hab tsimtxom mej, hab ab-lam txhua yaam phem rua mej vim mej yog Kuv cov thwjtim, mej muaj kev zoosab. Mej cale txaussab hab zoosab ruaqhov Vaajtswv tub khaws nqezug ntau kawg le ca sau ntuj ceebtsheej rua mej lawm. Thaus u cov xwbfwb cev Vaajtswv lug los kuj raug tsimtxom ib yaam nkaus le nuav hab.

“Cov kws txu fwjchim, cov ntawd muaj kev zoosab, ruaqhov Vaajtswv yuav muab taagnrho lub nplajteb nuav rua puab!

“Mej yog cov ntsev rua tuabneeg nplajteb. Tabsis yog cov ntsev tsuag lawm, yuav ua lecaag txhaj rov dlaw tau? Cov ntsev ntawd yeej tsi muajnqes dlaabtsi lawm, kawg muab povtseg hab ca tuabneeg tsuj xwb.

Yogle ntawd, mej yuavtsum ua zoo kawg nkaus, ib yaam le mej Leejtxiv kws nyob sau ntuj ceebtsheej yog tug zoo kawg nkaus.

Qhov kws yog, mej cale has tas ‘Yog,’ qhov kws tsi yog, mej cale has tas, ‘Tsi yog.’ Yog mej has tshaaj ob lulug nuav, tes tej lug ntawd yog lug ntawm dlaab ntxwgnyoog lawm xwb.

“Mej tub nov tej lug qha kws has tas, ‘Qhovmuag pauj qhovmuag, hab nav pauj nav.’ Tabsis nwgnuav Kuv qha rua mej has tas, mej tsi xob ua phem pauj tug tuabneeg kws ua phem rua mej. Yog leejtwg ntaus mej saab plhu xis, mej cale tig saab tod rua nwg ntaus hab.

Yogle ntawd, yog koj saab qhovmuag xis ua rua koj ua txhum, cale muab nwg kaus povtseg! Koj tsi muaj ib saab qhovmuag tseem zoo dlua le muab taagnrho koj lub cev pov rua huv ntujtawg. Yog koj saab teg xis ua rua koj ua txhum, cale muab nwg txav povtseg! Koj tsi muaj ib saab teg tseem zoo dlua le muab taagnrho koj lub cev pov rua huv ntujtawg.