Popular Bible Verses from Chivkeeb 50

Share

Mej tau tuavhuv ua phem rua kuv lawm tag, tabsis Vaajtswv tau muab qhov phem ntawd hloov ua qhov zoo, sub txhaj cawm tau coob leej txujsa le najnub nua.

Tabsis Yauxej has rua puab tas, “Mej tsi xob ntshai; kuv tsi muaj cuabkaav yuav muab kuv tugkheej moog nyob Vaajtswv lub chaw.

Mej tsi xob ntshai. Kuv yuav ua tug saib mej hab mej tej mivnyuas.” Yogle ntawd, Yauxej txhaj ua tuabzoo has kuas puab muaj kev ruajsab.

nwg has kuas peb tuaj thov koj tas, ‘Thov koj zaam koj cov tijlaug tej kev txhum kws puab tau ua rua koj lawm.’ Mas nwgnuav thov koj zaamtxim rua peb cov kws yog koj txiv tug Vaajtswv cov tubkhai, rua tej kws peb tau ua txhum taag lug lawm.” Yauxej quaj heev thaus nwg nov txug tej lug nuav.

Nwg has rua nwg cov kwvtij has tas, “Tshuav tsi ntev kuv tub yuav tuag, tabsis Vaajtswv yuav ua tug tsomkwm mej hab coj mej tawm huv lub tebchaws nuav moog rua peg lub tebchaws kws Nwg tau coglug tseg rua Anplahaas, Ixaj, hab Yakhauj puab lawm.”

Tes Yauxej has kuas cov Yixalayees coglug rua nwg has tas, “Thov mej coglug tseg rua kuv has tas thaus twg Vaajtswv coj mej moog peg tebchaws Kana-aas, mej yuav nqaa kuv cov pobtxhaa nrug mej moog hab.”

Yauxej tuag thaus nwg muaj noobnyoog 110 xyoo. Puab muab nwg lub cev tu tuabzoo hab muab tso rua huv lub hleb ca rua huv tebchaws Iziv.