Popular Bible Verses from Chivkeeb 45

Share

Nwgnuav mej tsi xob txhawj lossis chim rua mej tugkheej txug qhov kws mej muab kuv muag lug rua ntawm nuav. Yeej yog Vaajtswv khaiv kuv ua mej ntej lug, txhaj cawm tau tuabneeg txujsa.

Mej tsi yog cov kws xaa kuv lug rua ntawm nuav, tabsis Vaajtswv yog tug kws xaa kuv lug! Nwg yog tug tsaa kuv ua Falaus ib tug nom kws luj tshaajplawg. Kuv yog tug kws saib taagnrho Falaus tej vaajtse hab kaav taagnrho lub tebchaws Iziv nuav.

Vaajtswv khaiv kuv ua mej ntej yog lug paab cawm mej ua ib tsaav tuabneeg nyob rua huv lub nplajteb nuav, sub txhaj yuav ceev tau mej hab mej le caajceg kuas muaj sa nyob.

Yauxej has rua puab tas, “Mej cale txaav lug ze-ze kuv.” Puab txhaj txaav zog lug rua ntawm nwg, hab nwg has rua puab tas, “Kuv yog mej tug kwv Yauxej kws mej muab muag rua huv tebchaws Iziv.

Tej kev tshaib nqhes nuav, xyoo nuav nyavnyuas yog xyoo thib ob xwb, tseem tshuav tsib xyoos tomntej nuav ntxiv, mas yuav tsi muaj leejtwg cog hab sau tau qoobloo hlo le.

Yauxej has rua nwg cov kwvtij has tas, “Kuv yog Yauxej ntaag. Kuv txiv puas tseem muaj sa nyob?” Thaus nwg cov kwvtij nov nwg has le ntawd, puab ntshai heev ua rua puab teb tsi taug ib lus le.