Popular Bible Verses from Tsiv Dlim 3

Share

Vaajtswv has tas, “KUV YOG TUG KWS KUV YOG. Koj yuavtsum qha rua puab has tas: ‘Tug kws hu ua KUV YOG, yog tug khaiv kuv tuaj cuag mej.’

Vaajtswv teb tas, “Kuv yuav nrugnraim koj, hab thaus koj coj cov Yixalayees tawm huv tebchaws Iziv lug, mej yuav pehawm Kuv sau lub roob nuav. Qhov ntawd yuav ua lub cim qha rua koj paub tas Kuv yog tug khaiv koj moog.”

Vaajtswv has tas, “Tsi xob txaav lug ze ntxiv lawm! Cale hle koj nkawm khau, ruaqhov koj taabtom sawv ntawm thaaj chaw kws dlawbhuv.

Tug TSWV txhaj has tas, “Kuv pum Kuv tsaav tuabneeg kws nyob huv tebchaws Iziv raug kev tsimtxom lecaag lawm, Kuv nov puab tej suab quaj qw thov kev paab kuas puab dlim ntawm txuj kev kws puab raug yuam ua qhev. Kuv paub taagnrho puab tej kev txomnyem lawm, yogle ntawd, Kuv txhaj nqeg lug paab puab kuas dlim ntawm cov tuabneeg Iziv hab yuav coj puab tawm huv tebchaws Iziv moog nyob rua lub tebchaws kws zoo ua noj ua haus hab aav dlaav heev; lub tebchaws kws muaj kua mig hab zib ntaab ndlwg ndlo, kws nwgnuav cov tuabneeg Kana-aas, cov Hitis, cov Amaules, cov Pelixes, cov Hivis hab cov Yenpus nyob.

Nyob rua qhov ntawd, tug TSWV tug timtswv tau lug tshwm ua ib tug nplaim suavtawg rua Mauxes pum nyob huv ib tsob ntoo. Mauxes pum nplaimtawg cig labploog huv tsob ntoo tuaj, tabsis tsob ntoo tsi kubnyab le.

Zagnua Kuv yuav khaiv koj moog cuag Falaus, sub koj txhaj yuav moog tso tau Kuv tsaav tuabneeg tawm tau huv nwg lub tebchaws lug.”