Popular Bible Verses from Efexus 5

Share

Vim mej yog Vaajtswv cov mivnyuas kws Vaajtswv hlub, mej yuavtsum xyum ua mej lub neej lawvle Vaajtswv tug yaamntxwv. Mej yuavtsum ua mej lub neej nyob rua huv txuj kev hlub, ib yaam le Khetos hlub peb hab Nwg muab Nwg txujsa lug pub rua peb zoole tej tshuaj tswqaab kws muab fij rua Vaajtswv kws ua rua Vaajtswv txaussab heev.

Yogle ntawd, mej yuavtsum ceevfaaj txug mej txuj kev ua neej. Tsi xob ua le cov tuabneeg ruag ua, tabsis yuavtsum ua le cov tuabneeg kws muaj tswvyim ua. Mej yuavtsum siv txhua lub sijhawm kuas muajnqes, ruaqhov najnub nua tuabneeg ua phem kawg le.

Tsi xob haus cawv kuas qaug, kws yuav ua rua mej puamtsuaj. Tabsis cale puvnpo Vaaj Ntsujplig yuav zoo dlua. Cale sis txhawbzug lug ntawm Daviv tej nkauj, tej nkauj qhuas Vaajtswv, hab tej nkauj kws has txug kev ntseeg. Cale seev suab hunkauj huv mej lub sab lug rua tug Tswv. Ncuntsoov ua Vaajtswv kws yog peb Leejtxiv tsaug rua txhua yaam huv Yexus Khetos lub npe.

Yogle ntawd, tsi xob ua ib tug tuabneeg ruag, tabsis yuavtsum totaub has tas Vaajtswv tug dlejsab rua mej yog dlaabtsi.

Mej cov kws yog quasyawg, nyag yuavtsum hlub nyag tug quaspuj ib yaam le Khetos hlub pawg ntseeg, es Nwg tau muab Nwg txujsa lug txhwv pawg ntseeg.

Yaav taag lug mej yeej nyob huv qhov tsausntuj, tabsis nwgnuav mej tub dlhau lug ua Vaajtswv tsaav tuabneeg lawm, mej tub lug nyob rua huv qhov pumkev lawm. Yogle ntawd, mej yuavtsum ua mej lub neej kuas zoole cov tuabneeg kws nyob huv qhov pumkev

Vim qhov kws mej fwm Yexus Khetos, mej ib leeg yuavtsum txaussab hlo noog ib leeg lug.

Mej cov kws yog quaspuj, nyag yuavtsum noog nyag tug quasyawg lug ib yaam le mej noog tug Tswv lug.

Tabsis nqai nuav kuj yog pev txug mej hab: txhua tug quasyawg nyag yuavtsum hlub nyag tug quaspuj ib yaam le nyag hlub nyag tugkheej, hab txhua tug quaspuj nyag yuavtsum fwm nyag tug quasyawg.

Lawvle muaj lug sau ca rua huv Vaajtswv Txujlug has tas, “Tub yog vimle nuav tug txivneej txhaj tso nwg nam nwg txiv tseg, hab moog nrug nwg tug quaspuj tsheejxeeb uake, hab obtug yuav koom ua ib lub cev.”

Tsi xob muaj feem rua tej yaam tsi muaj qaabhau kws yog kev tsausntuj le dlejnum, tabsis mej cale muab tej ntawd lug nthuav rua ntawm qhov pumkev. (